Пансионакка олорор дьон биэнсийэлэрин 75% биэрэллэр, тиийбэт үбү СӨ Үлэҕэ уонна социальнай сайдыыга министиэристибэ уйунар. Киһи көрүүтүгэр наадыйар, интэринээккэ киириэн баҕалаах кырдьаҕастар тустаах министиэристибэҕэ 500-600 киһи уочаракка турара, кэлин чааһынай пансионаттар аһыллан, ол уочарат аҕыйаата. Дьон чуҥкуйбатын туһугар пансионат олохтоохторугар ыһыах тэрийэллэр, бырааһынньыктары ылаллар.
«Атыттар курдук социальнай салааҕа күрэстэһии, бэрт былдьаһыы суох, төттөрүтүн бэйэ-бэйэбитигэр көмөлөсүһэбит, миэстэ суох түгэнигэр бассаап бөлөххө кэпсэтэн, дьону атын пансионакка ыытабыт. Билигин «Одуванчики» диэн кырдьаҕас дьоҥҥо туһунан дэриэбинэ тутуохпутун баҕарабыт, бырайыакпытын көмүскээтибит диэххэ сөп», — диэн Анна Абовна өрөспүүбүлүкэҕэ доруобай уонна көхтөөх уһун үйэлэниини көҕүлүүр «Алмаас саас» бастакы пуорум иһинэн «Стартап 50+» төгүрүк остуолга инники былаанын билиһиннэрдэ.
Ааптар хаартыскаҕа түһэриитэ.
-
1
-
0
-
0
-
0
-
0
-
0
