Сүбэ мунньахха тыа хаһаайыстыбатын салаатын салайааччылар, улуустар баһылыктара, бэрэстэбиитэллэрэ, дьокутааттар кытыннылар.
– Кураанынан уонна халаанынан сибээстээн, төһө да уустуктар баалларын үрдүнэн, сүрүн салааларга былааннар толорулуннулар. Тыа сирин олохтоохторугар сыралаах, үтүө суобастаах, түмсүүлээх үлэлэрин иһин махтанабын, – диэтэ Айсен Николаев.
Бырабыыталыстыба Бэрэссэдээтэлин солбуйааччы Сергей Местников оттооһун, хомуур уонна үүтү туттарыы барыллаан түмүктэрин туһунан иһитиннэрдэ. Сайын устата 396,2 тыһыынча туонна, ол иһигэр, ыраах учаастактарга мобильнай биригээдэлэринэн 21,6 тыһыынча туонна от оттоммут. Манна ааспыт кыстыктан ордубут 18,8 тыһыынча туонна кур оту эбэн, кыстыгы 415 тыһыынча туонна оттоох көрсөбүт. Ити 145 тыһыынча ынах сүөһүнү уонна 165 тыһыынча сылгыны кыстытарга толору тиийэр. Былааннарын Эдьигээн (154 %), Жатай (144 %), Үөһээ Бүлүү (110 %), Амма, Чурапчы, Ленскэй (107 %), Уус Алдан, Орто Халыма (106 %), Нам (105 %), Бүлүү (104 %), Аллараа Халыма (101 %), Уус Маайа (100 %), халааннаабыт улуустартан Өлүөхүмэ (92 %), Абый (91 %), Кэбээйи (93 %) толорбуттар. Баалабайынан 70,5 тыһыынча туонна хортуоппуй, 28 тыһыынча туонна оҕуруот аһа хомуллан, былаан 100 % толоруллубут.
Маны таһынан, 52,3 тыһыынча туонна үүт соҕотуопкаланан, сыллааҕы былаан 94,5 % толоруллан иһэр. Күн бүгүн былааннарын Горнай, Кэбээйи, Миирнэй, Нам, Өлүөхүмэ уонна Сунтаар улуустара толордулар.
– Бырабыыталыстыба быйылгы сылга көрүллүбүт харчыны толору тиксэриэхтээх. Сыл түмүгүнэн 63,7 тыһыынча туонна үүт соҕотуопкаланыаҕа. 2027 сыллаах бүддьүөтү көрүүгэ федеральнай бүддьүөттэн уонна өрөспүүбүлүкэттэн салааны сайыннарыыга төһө харчы көрүллэрин иккис ааҕыыга чопчулуур наада, онуоха үп 2026 сыл таһымыттан намыһах буолуо суохтаах. Биһиги сорукпут – тыа хаһаайыстыбатын бородууксуйатын оҥоруу кээмэйин элбэтии, хаһаайыстыбалар сайдалларын, тыа сирин үлэһит дьоно сөптөөх дохуоту ылалларын ситиһии буолар, – диэтэ Ил Дархан.
Салгыы үлэни-хамнаһы атахтыыр кыһалҕалар көрүлүннүлэр, үүммүт кыстык соруктара туруорулуннулар. Ураты болҕомто оттугунан-уматыгынан хааччыллыыга, хомуллубут оту, бурдугу, оҕуруот аһын көдьүүстээхтик туһаныыга, сүтүгэ суох харайыыга уонна тыа хаһаайыстытын табаарын оҥорооччулары өйөөһүн дьаһалларыгар уурулунна. ырсам обеспечения кормами
Сүбэ мунньаҕы түмүктүүрүгэр Айсен Николаев салааны сайыннарыыга тустаах сорудахтары биэртэлээтэ диэн Тыа хаһаайыстыбатын уонна ас-үөл бэлииитикэтин пресс-сулууспата иһитиннэрэр.
Хаартыска: Андрей Сорокин (ЯСИА).
-
0
-
0
-
0
-
0
-
0
-
0
