Мурун Тыымпыйаҕа «Кыталык» уһуйаан 1980-с сыллартан үлэлиир, толору хааччыллыылаах саҥа дьиэ уһуйаан эргэ дьиэтин оннугар тутулунна. Олохтоохтор үөрүүлэрин үллэстэн, саҥа дьиэ малааһыныгар Бырабыыталыстыба Бэрэссэдээтэлэ Кирилл Бычков сырытта.
– Уһуйаан саҥа дьиэтэ кыһамньылаахтык, хотугу сир тыйыс усулуобуйатын учуоттаан, оҕо аймах эргиччи сайдар эйгэтин тэрийэргэ ананан тутулунна, – диэтэ Кирилл Бычков.
Бэрэсидьиэн Владимир Путин көҕүлээһининэн оҥоһуллубут «Дьиэ кэргэн» нассынаалынай бырайыак чэрчитинэн, Саха Өрөспүүбүлүкэтигэр 2019 сылтан саҕалаан, 7 174 миэстэлээх 61 уһуйаан дьиэтэ тутулунна. Бу уһуйааннар аныгы тэрилинэн толору хааччыллыылаахтар, сайыннарар дьарыктарга, эбии үөрэхтээһиҥҥэ, успуорка уонна муусукаҕа анал сааллардаахтар.
Кирилл Бычков ити күннэргэ Чурапчы улууһун олоҕун-дьаһаҕын, күннээҕи үлэтин-хамнаһын билистэ, Имигиттэ Эбэҕэ тэриллибит муҥхаҕа сырытта, ол туһунан бэйэтин МАХ ханаалыгар суруйда.
Хаартыска: Ил Дархан уонна Бырабыыталыстыба саайтыттан итиэннэ Кирилл Бычков МАХ ханаалыттан.
-
0
-
0
-
0
-
0
-
0
-
0
