Издательский дом Редакция Подписка
Погода в Якутске: . -11 oC

Үөрүүлээх сонун: быйыл өрөспүүбүлүкэ оскуолаларын бүтэрэр 7900 оҕо 77 %-на өрөспүүбүлүкэбит үрдүк үөрэҕин кыһаларын бүддьүөт миэстэлэригэр босхо үөрэнэр кыахтанна! Ол курдук, 6 115 бүддьүөт миэстэтэ көрүлүннэ!

Үөрүүлээх сонун: быйыл өрөспүүбүлүкэ оскуолаларын бүтэрэр 7900 оҕо 77 %-на өрөспүүбүлүкэбит үрдүк үөрэҕин кыһаларын бүддьүөт миэстэлэригэр босхо үөрэнэр кыахтанна! Ол курдук, 6 115 бүддьүөт миэстэтэ көрүлүннэ!

РФ Бэрэсидьиэнэ Владимир Путин бу ыам ыйынааҕы Ыйааҕынан, Украинаҕа эйэни олохтуур, итиэннэ Донецкай уонна Луганской норуодунай өрөспүүбүлүкэлэри быыһыыр анал эпэрээссийэлэргэ сылдьар эбэтэр кыттыбыт байыаннайдар уонна судаарыстыбаннай уорган байыаннай сулууспаны ааһар үлэһиттэрин оҕолоро үөрэххэ туттарсыыга булгуччу чэпчэтиинэн туһаныахтаахтар. Ол иһин ХИФУ ректора, Ил Түмэн дьокутаата Анатолий Николаев: “Өрөспүүбүлүкэ сүрүн үрдүк үөрэҕин кыһата ол дьаһалтан туора турбата чахчы, онон сүбэлэһэн баран, билиҥҥитэ бакалавриат уонна специалитет бырагыраамаларыттан 300 миэстэни ити сыалга  тыырдыбыт”, -- диэбитэ. Онуоха кини 2022-2023 үөрэх дьылыгар университекка барыта холбоон 3 960 миэстэ көрүллүбүтүн, бу былырыыҥҥыны кытта тэҥнээтэххэ, 101 миэстэнэн элбэҕин бэлиэтээбитэ. “Итинтэн бакалавриакка -- 2 406 миэстэ, магистратураҕа – 682, аспирантураҕа – 45, ординатураҕа – 164”, -- диэбитэ.

Итини истэн баран, элбэх төрөппүт: "Оо, куонкурус тыҥааһыннаах буолсу", -- диэн санаарҕыан эрэ кэрэх,  СӨ Бырабыыталыстыбатын бэрэссэдээтэлэ Андрей Тарасенко үөрэх тэрилтэлэрин бэрэстэбиитэллэрэ кыттыылаах  мунньахха  Саха Сирин үрдүк үөрэҕин кыһаларыгар 6 115 бүддьүөт миэстэтэ көрүллүбүтүн иһитиннэрэн үөрдүбүтэ. Онон быйыл оскуоланы бүтэрэр 7900 оҕо 77 %-на бүддьүөт миэстэтигэр киириэн сөп буолла.

“Биһиги сорукпут – үрдүк, орто үөрэх тэрилтэлэригэр билиҥҥи олоххо ирдэниллэр саҥа идэлэр салааларын аһыы уонна онно бүддьүөт миэстэлэрин арыйыы”, — диэн премьер эттэ.

Үөрэх миниистирэ Ирина Любимова гуманитарнай уонна мэдиссиинэ хайысхаларга туттарсааччы ахсаана эбиллэн иһэрин бэлиэтээтэ. Итилэргэ бүддьүөт миэстэтэ (КЦП) эбиллибит.

--Хамсык хааччахтааһына көтүрүллэн, быйыл, дьэ, уруккулуу киэбинэн докумуону тутан саҕалыыбыт. Икки сыл устата онлайн ньыманан тутар хамыыһыйа үлэлээбитэ. Ол эрээри быйыл да “Госуслуги” портал нөҥүө уонна почтанан ыытыахтарын сөп. Эрдэ сервис бүддьүөт миэстэтигэр туттарсааччыларга эрэ туһаныллыбыт эбит буоллаҕына, быйылгыттан төлөбүрдээххэ (внебюджет), ону тэҥэ, тус сыаллаах (целевой) уонна чэпчэтиилээх (льготнай) миэстэлэргэ туттарсааччыларга анаан эмиэ үлэлиэҕэ, -- диир ректор Анатолий Николаев.

Абитуриеннарга көмөлөһөр өрөспүүбүлүкэтээҕи ыстаап төлөпүөнэ: 8 (4112) 50-60-44.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23