Биир сонун көстүүнэн тэрилтэ салайааччыларын төрөппүт ийэлэрин сырдатар быыстапканы туруорбуттара уонна оҕолоро ийэлэрин туһунан бэрт истиҥник кэпсээбиттэрэ буолла.
- Скрябина Маргарита Ивановна
- Ноговицына Евдокия Семёновна
- Баһылык Куприянов Александр Валерьевич
Бу быыстапка нэдиэлэ устата туруоҕа, ким баҕалаах кэлэн көрүөн сөп. Түгэнинэн туһанан, үтүө үгэскэ кубулуйбут үбүлүөйдээх саастарын туолбут ытык-мааны дьоммутугар Эҕэрдэ суруктары, анал сувенирдары туттардылар.
- Р.И. Гоголев
- К.В. Прибылых
Саамай долгутуулаах түгэнинэн күн-күбэй ийэлэригэр, Ийэ күнүнэн ыраахтан-чугастан төрөппүт оҕолоро кэлэн, ис сүрэхтэриттэн эҕэрдэлээн, сибэкки туттарбыттара буолла. Хас биирдии ийэ, оҕолоруттан тыыннаах сибэкки дьөрбөтүн тутан, соһуччу үөрүү түгэнин билэн үөрдэ!
Ийэлэри олорор түөлбэлэринэн ыҥыран таһааран эҕэрдэлээтилэр.
"Аартык" түөлбэ ийэлэрэ
"Нагорнай" түөлбэ ийэлэрэ
"Сүрэх Тыа" ийэлэрэ
"Лесной" түөлбэ
- "Сайдыс" түөлбэ
Биэчэри тэрийбит култуура дьиэтин бары үлэһиттэригэр махтал тылларын тиэртилэр.
Бу кэрэ киэһэни истиҥ иэйиилээх ырыаларынан Дмитрий Мордискин, Екатерина Максимова уонна "Сайдыына" ырыа бөлөҕө киэргэттилэр.
Оттон бүгүн Арассыыйаҕа Аҕа күнүнэн уонна Саха Сиригэр Ийэ күнүнэн сарсыардаттан ситим нөҥүө элбэх эҕэрдэлэр кэлэллэр.
Ийэ уонна Аҕа бииргэ буолан, олох сырдык аартыгар оҕолорун сирдииллэр, үтүөҕэ-кэрэҕэ уһуйаллар.
Мария Захарова,
Балыктаах, Мэҥэ Хаҥалас
- 1
- 0
- 0
- 0
- 0
- 0