Оскуолалар П.П.Романов аатынан Дьокуускайдааҕы художественнай училищеҕа уонна А.Д.Макарова аатынан Дьокуускайдааҕы култуура уонна ускуустуба колледжыгар тэриллиэхтэрэ.
- Саха Сирэ креативнай индустрия оскуолаларын тэрийиигэ 85,7 мөл солк. кыайда. Бу биһиги оҕолорбут айар дьоҕурдара сайдарыгар үөрэхтээһин саҥа көрүҥнэрэ буолуо. Художественнай училище базатыгар 90-тан тахса оҕо анимацияны, 3D-графиканы, хаартысканы, видео-оҥорууну уонна дизайны үөрэтиэхтэрэ. Үөрэтии тирэҕинэн тустаах айар идэлээх эйгэ бэрэстэбиитэллэрин кыттыһыннарыыта, бырайыактааһын үлэтин тэриллиитэ буолуо. Дьокуускай куорат култуура колледжыгар звукорежиссураҕа уонна дорҕоон дизайныгар, хаартыскаҕа, видео-оҥорууга, электроннай муусука айыытыгар анал устуудьуйалары тэрийэн дьарыктыахтара. Бу салааҕа кыахпытын ууран, инникитин тутаах салаалар сайдалларыгар тирэх оҥостобут. Оскуолаларга үөрэниэн сөптөөх оҕолор уонна эдэр исписэлиистэр биһиги инникибит», — диэн Култуураҕа уонна духуобунай сайдыыга миниистирэ Юрий Куприянов иһитиннэрдэ.
Саха Сириттэн үбүлээһини ылар сайаапканы Култуураҕа уонна духуобунаска министиэристибэ тэрийбитэ. Үс сайаапкаттан иккитэ кыайыылаах буолла.
Санаттахха, РФ Култуураҕа министиэристибэтэ креативнай оскуолаларын бырайыагынан, эрэгийиэннэргэ 12-тэн 17 саастарыгар диэри саастаах оҕолору үөрэтэр эйгэ тэриллиэхтээх. Оскуоларга алталыы устуудьуйа баар буолуоҕа. Үөрэнээччилэри ылыы сылын ахсын ыытыллар, үөрэнии болдьоҕо икки сылтан намыһах буолбат.
-
1
-
1
-
0
-
0
-
0
-
0
