Ил Дархан тутуу үлэтэ 70 %-тан тахса бэлэмин бэлиэтээтэ.
“Бүгүҥҥү туругунан тутуу үлэтэ былаан быһыытынан бара турар, үлэ 70 %-тан тахса бэлэм. СӨ бюджетыгар үлэ ситэригэр быйылгы сылга 146 мөлүйүөн көрүллэн турар. 2026 сылга Нам 2-с нүөмэрдээх оскуолата аныгы тупсаҕай саҥа дьиэҕэ көһөн киириэ диэн эрэнэбин.”
Оскуола монолит каркаһа турда, тас уонна ис истиэнэлэрэ турдулар, сваятын акылаата уонна цокольнай бүрүөһүнэ оҥоһуллан тураллар. Маны кытта инженернэй ситимэ: итиитэ, уута, канализацията уонна да атын үлэтэ бүтэн тураллар.
“Киэҥ-куоҥ, аныгылыы тутуулаах, толору хааччыллыылаах оскуолаҕа оҕолор табыгастаах усулуобуйаҕа үөрэниэхтэрэ. Маннык аныгы оскуолаларга оҕолорбут саҥа технологияны туһанан үрдүк хаачыстыбалаах билиини ылыахтара.”
Намҥа оскуола тутуута үөрэҕирии саҥа усулуобуйаларын тэрийии уонна үөрэх тэрилтэлэригэр ноҕоруусканы түһүмэхтэринэн аччатыы республикатааҕы биир кэлим үлэ чааһын сорҕото буолар диэн Айсен Николаев эттэ.
Оскуола тутуута “Создание условий для обучения, отдыха и оздоровления детей и молодежи” РФ “Развитие образования” государственнай программа федеральнай бырайыагынан бара турар.
2020 сылтан республикабытыгар 62 оскуола, 36 уһуйаан тутуллан үлэҕэ киирдилэр. Арктика улуустарын холбоон туран 100-тэн тахса үөрэх эбийиэгэр капитальнай өрөмүөн оҥоһулунна. 40 тыһыынча оҕо табыгастаах усулуобуйаҕа үөрэнэр кыахтаммыттарын Ил Дархан бэлиэтээтэ. Кэккэ үлэлэр Дойду Президенэ Владимир Путин көҕүлээбит “Образование” национальнай бырайыагынан ыытылыннылар.
Сонун төрдө уонна хаартыска: "Эҥсиэли".
-
0
-
0
-
0
-
0
-
0
-
0
