Бу күннэргэ СӨ Экологияҕа министиэристибэтин Алданнааҕы уонна Бүлүүтээҕи экологияҕа иниспиэксийэтин исписэлиистэрэ аракыата тобохторо түһэр сирдэригэр-уоттарыгар экологическай бэрэбиэркэни ыыттылар. «ЦЭНКИ» АУо-ны кытта тустаах исписэлиистэр, аракыата көппүтүн кэнниэ, экологическай бэрэбиэркэни ыытыахтара уонна тобохтору хомуйуохтара.
Бу аракыата саҥа нафтил уматыгынан бастакы көтүтүүтэ буолуоҕа. Нафтил - экологияҕа куттала суох углеводород уматыгын полимернай присадкалары туһанар тииптээх. Уматык уратыта – аракыата ноҕоруускатын уонна салгыҥҥа быраҕар куһаҕан дьайыытын намтатар.
Аракыата көтөрүгэр туттубут уматыгын тобохторо, соруктарын толороот, сиргэ төттөрү түһэллэр, чопчулаан эттэххэ, саккырыыллар. Дьэ, олор саккыраһар сирдэринэн Саха сирэ буолар. Сэбиэттэр былаастарын саҕана, куйаары баһылыыр үлэлэр чып кистэлэҥҥэ тутуллар буоланнар, нэһилиэнньэ ол туһунан билбэт этэ. Билигин аракыата көтөрүн туһунан нэһилиэнньэҕэ сэрэтии смс иһитиннэриилэри тустаах суһал сулууспа ыытаалыыр. Ол курдук, көтүү кэмигэр үөһэ этиллибит улуустар олохтоохторун тыаҕа тахсартан туттуналларыгар ыҥыраллар. Суһал быһыы-майгы буолар түгэнигэр, 112 диэн нүөмэргэ эрийэн этиэххэ сөп.
Бу иннинэ Роскосмос экс-баһылыга Дмитрий Рогозин эппитинэн, 2022 сылга «Восток» космодромтан биэс эбэтэр алта аракыата көтөтүллэрин туһунан кэпсээбитэ.
- 1
- 0
- 0
- 0
- 1
- 0