Издательский дом Редакция Подписка
Погода в Якутске: . 20 oC

Саха судаарыстыбаннаһын олохтообут дьонтон биирдэстэрэ, саха норуотугар номох буолбут Былатыан Ойуунускай төрөөбүт Тааттатыгар Өрөспүүбүлүкэ күнэ үрдүк таһымнаахтык тэриллэллэр. 

Саха судаарыстыбаннаһын олохтообут дьонтон биирдэстэрэ, саха норуотугар номох буолбут Былатыан Ойуунускай төрөөбүт Тааттатыгар Өрөспүүбүлүкэ күнэ үрдүк таһымнаахтык тэриллэллэр. 

Дьоро күн Былатыан Ойуунускай аатынан Судаарыстыбаннас түмэлигэр саҕаланна. Мустубут дэлэгээссийэлэр Таатта улууһун үөрэнээччилэрин “Мин өрөспүүбүлүкэм” диэн уруһуйга үлэлэрин быыстапкатын көрдүлэр.

ч_-_1.jpeg

Үөрүүлээх тэрээһин икки бөлөҕүнэн ыытылынна. Бастакы бөлөх Былатыан киинэ түспүт Муҥха Дэлбэрийбит алааһыгар ыалдьыттар, улуус уопсастыбаннаһа, олохтоохтор кыттыылаах сүгүрүйүү миитинэ буолла. Миитиҥҥэ улуус баһылыга Айаал Бурцев, Саха Өрөспүүбүлүкэтин Бырабыытылыстыбатын Бэрэссэдээтэлин бастакы солбуйааччы Сергей Местников, Ил Түмэн дьокутаата Прокопий Рахлеев, Чурапчы улууһун баһылыга Степан Саргыдаев тыл эттилэр.

ч_-_3.jpeg

Өрөспүүбүлүкэ Бырабыыталыстыбатын Бэрэссэдээтэлин бастакы солбуйааччы Сергей Местников өр сыллаах, таһаарыылаах үлэрин иһин «Олохтоох салайыныы сайдыытыгар кылаатын иһин» мэтээли Егор Павловка, «СӨ муниципальнай сулууспатын туйгуна» бэлиэни Надежда Слепцоваҕа, үүнэр көлүөнэни бэриниилээхтик иитиигэ, үөрэтиигэ «СӨ үөрэхтээһинин ситимин туйгуна» бэлиэни Владимир Кривошапкиҥҥа, Саха Өрөспүүбүлүкэтин Бырабыытылыстыбатын Махтал суругунан өр сыллаах таһаарыылаах үлэтин уонна социальнай-экономическэй сайдыыга тус кылаатын иһин Николай Поповка, Саппыйа алааска култуура нэһилиэстибэтин тутуутун чөлүгэр түһэриигэ көхтөөх кыттыытын иһин уопсастыбанньык Михаил Собакиҥҥа, норуот дьокутаата Виктор Лебедев өр сыллаах таһаарыылаах үлэлэрин уонна култуура нэһилиэстибэтин үйэтитиигэ кылааттарын иһин махтал суруктары уопсастыбанньыктарга, Саппыйа алааска култуурунай нэһилиэстибэ тутуутун чөлүгэр түһэриигэ көхтөөх кыттыыларын иһин Николай Слепцовка, Алексей Тарбаховка, Михаил Охотиҥҥа туттардылар.

о.jpeg

Мустубут дьон Былатыан төрөөбүт балаҕаныгар, үөрэммит оскуолатыгар экскурсиялаатылар.

Иккис бөлөх Саппыйа алааска Михаил Кулаковскай, норуокка этиллэринэн Мойуор Кулаковскай балаҕанын уонна “Эн ииппит сүрэххин норуоппар биэрэбин” стела аһыллыыларыгар сырытта. Манна улуус баһылыгын баһылыгын бастакы солбуйааччы Руслан Захаров, улуус дьокутааттарын сэбиэтин бэрэссэдээтэлэ Петр Максимов, Октябрьскай нэһилиэк түөлбэтин баһылыга Андрей Семенов, Михаил Кулаковскай сыдьаана Лена Филатова тыл эттилэр.

Ой.jpeg

Улуус баһылыгын бастакы солбуйааччы Руслан Захаров улуус култууратын сайдыытыгар тус кылааттарын уонна историческай эбийиэк чөлүгэр түһэриитигэр көхтөөх кыттыылаахтарыгар Светлана Халгаеваҕа, Сардаана Аввакумоваҕа улуус баһылыгын Бочуотунай грамотатынан, өр сыллаах таһаарыылаах үлэтин, улуус култууратын сайдыытыгар тус кылаатын иһин улуус баһылыгын Махтал суругун Василий Яковлевка туттарда. Улуус дьокутааттарын сэбиэтин бэрэссэдээтэлэ Петр Максимов улуус социальнай-экономическэй сайдыытыгар тус кылааттарын иһин Таатта улууһун дьокутааттарын сэбиэтин бочуотунай грамотатын Егор Ноеноховка, Иван Будикиҥҥа, Октябрьскай нэһилиэк түөлбэтин баһылыгын Андрей Семеновка, устуоруйа эбийиэгин чөлүгэр түһэрии сүбэһитэ Изабелла Жерготоваҕа туттарда.

т_-_2_1.jpeg

Улуус киинигэр миитин Былатыан Ойуунускай аатынан искибиэргэ ыытылынна. Миитин аҕам саастаахтар хордарын “Өрөгөй ырыатын” толоруутунан саҕаланна. Эҕэрдэ тылы улуус баһылыгын бастакы солбуйаччы  Руслан Захаров, Саха Өрөспүүбүлүкэтин сыана бэлиитикэтигэр судаарыстыбаннай кэмитиэтин бэрэссэдээтэлэ, Таатта улууhун куратора Николай Бочков, улуус дьокутааттарын сэбиэтин бэрэссэдэтэлэ Петр Максимов, Таатта нэһилиэгин баһылыга Егор Павлов эттилэр.

т_--_2.jpeg

Сыана бэлиитикэтигэр судаарыстыбаннай кэмитиэт бэрэссэдээтэлэ, Таатта улууhун куратора Николай Бочков дойду Бэрэсидьиэнин быыбарын тэрийиигэ уонна ыытыыга көхтөөх кыттыытын иһин Ил Дархан Махтал суругун Петр Захаровка, Туйаара Куприяноваҕа, өр сыллаах таһаарыылаах үлэлэрин уонна олохтоох салайыныы сайдыытыгар кылааттарын иһин Ил Дархан уонна Бырабыыталыстыба Махтал суругун Анна Николаеваҕа, Константин Мончуриҥҥа, Саргылаана Никифороваҕа, Олохтоох салайыныы департаменын Махтал суругун Анна Бережноваҕа туттарда. Улахан суолталаах күҥҥэ үүнэр көлүөнэ ыччата өрөспүүбүлүкэ эдэр салайааччытыттан пааспардарын тутар чиэскэ тигистилэр. Үөрүүлээх тэрээһин Сомоҕолоһуу оһуохайынан түмүктэннэ.

т.jpeg

Күн иккис аҥарыгар улуус баһылыга Айаал Бурцев өрөспүүбүлүкэ салайаччыларынаан “Манчаары оонньууларын” чэрчитинэн тутулла турар эбийиэктэри көрдүлэр, оонньуулары тэрийии, ыытыы боппуруостарынан мунньахтаатылар.

Бу курдук, сыллата Саха судаарыстыбаннаһын төрүттэспит улуу убайбыт Былатын Ойуунускай пааматынньыгар саҥа кэм олоҕун сырдата, үлэһит үтүө дьоммутун чиэстии, кини үрдүк аатын ааттаан туран, сибэкки дьөрбөтүн инникини түстүү уурабыт.

  • 3
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тыҥааһыннаах күрэхтэр

Олоҥхо ыһыаҕар түһүлгэлэринэн тустаах тэрээһиннэр, күрэхтэр бара тураллар. Олоҥхону…
20.06.24 18:42