Тыа сирин биир кэлим сайыннарыы федеральнай бырагыраамма көмөтүнэн дьэндэйбит, 2 тыһыынчаттан тахса кв.м. иэннээх саҥа тутуу 90 миэстэтэ оскуолаҕа, 40 миэстэтэ уһуйааҥҥа ананар.
Бу күн Ил Түмэн бэрэссэдээтэлэ Алексей Еремеев ыалдьыттаан, олохтоохтор үөрүүлэрин тэҥҥэ үллэһиннэ. Итиэннэ Ил Дархан Айсен Николаев аатыттан эҕэрдэлээн туран, сабыс саҥа оптуобус ыларга сертификат туттарда .
Хайахсыт нэһилиэгин баһылыга Тарас Тарасов кэпсииринэн, кинилэр Арассыыйа үрдүнэн аан маҥнай ыытыллыбыт тыа сирдэрин сайыннарыы бырагырымматыгар куонкурус ааһан тутууну ситиспиттэр. Саха сириттэн 60-тан тахса үлэ киирбититтэн, 9 сайаапка кыайбыт. Тутуу икки сыл устата, 2021-2022 сылларга ыытыллыбыт.
Үөрүүлээх арыллыыны оҕолор, учууталлар, олохтоохтор долгуйа күүппүттэр. Саҥа оскуола дьиэтигэр “Точка роста” кабинет арыллыбыт, учууталлар үлэлиир, оҕону сайыннарар кыахтара өссө үрдээбит. Кабинекка сыыппара лабораторията туруоруллан, саҥа чинчийиилэри ыытарга кыах биэрэр.
Даҕатан эттэххэ, бу иннинэ Хайахсыт үөрэнээччилэрэ 1929 сыллаахха тутуллубут мас дьиэҕэ үөрэнэллэрэ.
Хаартыскалар: Айсен Николаев телеграм ханаалыттан.
-
0
-
1
-
0
-
0
-
0
-
0
