Издательский дом Редакция Подписка
Погода в Якутске: . 16 oC

Таатта улууһун Дьохсоҕонугар сыл бастыҥнарын чиэстиир үтүө үгэс баар. Быйыл оннук тэрээһин олунньу 4 күнүгэр Алампа аатынан Норуот айымньытын дьиэтигэр буолла.

Таатта улууһун Дьохсоҕонугар сыл бастыҥнарын чиэстиир үтүө үгэс баар. Быйыл оннук тэрээһин олунньу 4 күнүгэр Алампа аатынан Норуот айымньытын дьиэтигэр буолла.

007c2908 a2da 4cc1 9b12 ed22cf632779

Нэһилиэк баһылыга Петр Захаров хомоҕой уус тылынан мустубут дьону эҕэрдэлээтэ уонна ааспыт 2022 сыл ситиһиилэрин сырдатта: Олоҥхо ыһыаҕар Афанасий Попов олоҥхоһуттарга муҥутуур кыайыылаах “Кылаан чыпчаал” аатын ылбыта, куолаан толорууга бириистээх миэстэҕэ тиксибиттэрэ, Өксөкүлээх Өлөксөй төрөөбүтэ 145 сылынан оҕо өрөспүүбүлүкэтээҕи ыһыаҕа ыһыллыбыта, о.д.а.  

         Хас биирдии ситиһиини уонна кыайыыны дьон-сэргэ ытыс дохсун тыаһынан доҕуһуоллаата. Ити кэнниттэн нэһилиэк дьаһалтатын Бочуоттаах грамоталарын В.П.Харайданова-Эбээ Валяҕа,  Л.В. Андросоваҕа,  Д.П. Мироноваҕа,  Т.Л. Поповаҕа, Нь.И. Власовка, А.В. Константиноваҕа, Н.А.Максимоваҕа туттардылар.  

     "Азия оҕолоро" норуоттар икки ардыларынааҕы оонньууларга тренер быһыытынан эрчийэн, оҕолоро 5 кыһыл көмүс, 3 үрүҥ көмүс, 2 боруонса мэтээллэри ылалларын ситиспит, бэйэтэ инбэлииттэргэ пауэрлифтинг көрүҥэр норуоттар икки ардыларынааҕы күрэххэ чемпион буолбут Иван Бабановы үбүлүөйдээх 55 сааһынан олохтоох дьаһалта, үөрэммит, үлэлээбит оскуолата, кулууп, "Победа" ХЭТ эҕэрдэлээтилэр.

904a78e5 baf4 462c 8044 0a6f5a971d5e

Киниэхэ СӨ спорка уонна физическэй култуураҕа министиэристибэтин "СӨ адаптивнай спорка киллэрбит кылаатын иһин", "Таатта улууһун социальнай-экэнэмиичэскэй сайдыытыгар киллэрбит кылаатын иһин" бэлиэлэри уонна Дьохсоҕон нэһилиэгин Бочуоттаах грамотатын, бэлэхтэри уҕараабат ытыс тыаһын ортотугар туттардылар.

    Биэчэргэ "Победа" хааччахтаммыт эппиэтинэстээх тэрилтэ (дириэктэр М.И. Саввин) сонун кэнсиэри көрдөрдө. Үөрүүбүтүн үрдэтэн, өссө босхо лотерея тэрийдэ: ынах арыыта, саха иһитэ, "Булт" маҕаһыынтан сэртипикээттэр оонньоннулар. Онон көрөөччүлэр дьиэлэригэр илии тутуурдаах тарҕастылар.

    Дьокуускайтан ыҥырыллан кэлбит ыалдьыппыт. СӨ култууратын туйгуна, СӨ баянистарын, аккордеонистарын уонна гармонистарын сойууһун бэрэссэдээтэлэ, биллиилээх ырыаһыт, мелодист Алексей Потапов биэчэри салайда, гитаранан, баянынан доҕуһуоллаан, элбэх ырыаны бэлэхтээтэ.

     2022 сыл түмүгүнэн сыл бастыҥнара суруктаах кыһыл лиэнтэни  кэттилэр. Итиэннэ Дьохсоҕон дьарылыга ойуулаах статуэтканы, сэмэй бэлэҕи туттулар. Быйылгы номинаннары билиһиннэрэбин:

b0ee6357 d4d0 4cbd b008 c3c3c1e68b59

 1. "Сыл бастыҥ дьиэ кэргэнэ" – Галина уонна Иннокентий Другиннар. Оҕолоро дьоһун дьон, бэйэлэрин эйгэлэригэр ситиһии бөҕөлөөхтөр.

2. "Нэһилиэккэ өҥөнү оҥорууга сыл бастыҥа" – бытарҕан тымныыларга от тиэйэр Иннокентий Саввин.

9518eb13 95a7 47a9 9e76 25ee5455a7d2 2

3. "Нэһилиэк сайдыытыгар кылаатын иһин" – өрүү үбүнэн-харчынан көмөлөһөр киэн туттар уолбут Ньургун Захаров.

4. "Сыл бастыҥ тэрилтэтэ"  - А.Е. Кулаковскай- Өксөкүлээх Өлөксөй аатынан Дьохсоҕон орто оскуолата (дириэктэр В.Д. Петрова).

38148f35 2e0a 4811 a447 b3621c159b77

c912477b bc0d 4014 a8dc 6fb1794bb224

5. "Сыл бастыҥ спортсмена" -  хапсаҕайга спорт маастара Леонид Попов.

6. "Төрөөбүт дойду быстыбат ситимэ" – нефролог быраас Антонина Анисимова. Дьокуускайга “Диалог” клиника салайааччыта. Дойдутун дьонун доруобуйаларын, бүөрдэрин кэлэн көрөн барар.

56c7439f e482 4f16 95eb d83abee7127f

7. "Үйэлээҕи үйэтитии" - оскуола учууталларын бөлөҕө: Т.Л. Попова, В.Ф. Колотинская, Г.К. Давыдова, Л.А. Попова, Нь.М. Лебедева, А.П. Саввина. Быйыл Өксөкүлээх үбүлүөйүнэн элбэх үлэни ыыттылар.

a6e0d220 b288 4f69 bd0d 379b98141293 1

8. "Саха төрүт үгэһигэр уһуйааччы" – өрөспүүбүлүкэ бастыҥ олоҥхоһута Афанасий Попов.

5ae119f3 d671 4bba 9288 3e0b6398fc5d

9. "Үтүө санаанан салайтаран" – бэтэрээннэр сэбиэттэрин бэрэссэдээтэлэ Михаил Архипов.

6330aec8 84be 4a8f 867d 295a9a2e7105 1

10. "Сыл бастыҥ бааһынай хаһаайыстыбата" – Евдокия Попова.

35c22a91 7d54 4e0f b9fa f5caaddf8620

11. "Төрөөбүт дойдуга бэриниилээх буолуу" – Роман Иванов. Атын улууска да олордор, ырыа айан бэлэхтээн, фестивалларга кэлэн кыттан, күүс-көмө буолар.

1db91137 c6aa 4c99 9989 41d82a47f78c

12. "Идэтигэр бэриниилээх" – уһуннук буҕаалтырдаабыт Марина Николаева.

13. "Сыл бастыҥ тыа хаһаайыстыбатын үлэһитэ" – тырахтарыыс  Егор Никонов.

    Биэчэр Алексей Потапов баяҥҥа доҕуһуолугар ностальжи үҥкүүнэн түмүктэннэ. Олохтоохтор киниэхэ, нэһилиэк дьаһалтатыгар уонна кэнсиэри көрдөрбүт, босхо лотереяны ыыппыт "Победа" хаһаайыстыба үлэһиттэригэр барҕа махталларын биллэрэллэр.

  • 4
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением