Хас биирдии оҕо дьыссаакка сылдьыаҕыттан, тулалыыр эйгэни кытары билсэр, үҥкүүнү, ырыаны, хоһоону, бэл олоҥхону билэн тахсар.
Выпускниктар иитээччилэрэ үрдүк категориялаахтар. Киэн тутта кинилэри билиһиннэрэбит: СӨ үөрэҕириитин туйгуна Оксана Михайловна Андреева уонна Марфа Васильевна Цой.
Дьыссаат кэллэктиибэ нэһилиэк уопсастыбаннай олоҕор актыыбыыстар. Иитиллээччилэр нэһилиэк, улуус, өрөспүүбүлүкэ, норуоттар икки ардынааҕы күрэхтэргэ ситиһиилээхтик кытталлар.
Кинилэр аныгы кэм ирдэбилинэн саҥа технологияны туттан оҕону өссө күүскэ сайыннарыахтарын, эргэ, кыараҕас, хаарбах дьыссаат дьиэтигэр үлэлииллэрэ атахтыыр. Нэһилиэк олохтоохторо, төрөппүттэр саҥа үйэҕэ эппиэттиир таас дьыссаат тутулларыгар баҕа санааларын этэллэр.
-
12
-
1
-
0
-
0
-
0
-
0
