Биһиги устуоруйабыт норуоттар дойдуларыгар бэриниилээх, сомоҕо күүстээх буолан, уустук дьыллары этэҥҥэ туораабыт кэмнэрин өйдүүр. Ол курдук, ыраах 1612 сыллаахха норуот ополчениета Кузьма Минин уонна Дмитрий Пожарскай баһылыктаах Арассыыйа судаарыстыбаннаһын көмүскээбиттэрэ.
Норуот дьоруойдуу быһыыта, ботуруйуоттуу санаата билигин буола турар анал байыаннай эпэрээссийэҕэ эмиэ көстөр. Биһиги саллааттарбыт уонна эписиэрдэрбит дойдубут интэриэһин, көҥүлүн иһин туруулаһаллар.
Өбүгэттэн кэлбит мындыр өй, үтүө санаа, бэйэ-бэйэҕэ кыһамньылаах буолуу – судаарыстыбабыт элбэх ахсааннаах омугун тулхадыйбат тирэҕэ, ньыгыл күүһэ, сайдыытын мэктиэтэ.
Күндү бар-дьонум! Баҕарабын кытаанах доруобуйаны, или, биир санаалаах буолууну уонна Улуу Арассыыйа туһугар таһаарыылаах үлэни!
Алексей Еремеев, СӨ Судаарыстыбаннай Мунньаҕын (Ил Түмэн) бэрэссэдээтэлэ
-
0
-
0
-
0
-
0
-
0
-
0
