“Сөмөлүөтүнэн көтүү өссө ордук кыаллымтыа буолуохтаах. 2030 сылга Арассыыйаҕа авиасырыы ааспыт сыллааҕар балтараа төгүл улаатыахтаах. Маныаха эрэгийиэннэр истэригэр уонна икки ардыларыгар көтүү сайыннарыытын күүһүрдүүнү түргэтитэр былааннаахпыт. Маныаха бырабыыталыстыба иннигэр чопчу садаача турар – алта сыл иһигэр 75-тэн аҕыйаҕа суох аэропортарга тупсарыы ыытыллыахтаах. Бу Арассыыйа аэропортарын ситимин үс гыммыт биириттэн элбэх. Бу сыалга 250 млрд.солк. кырата суох үп көрүөхпүт», - диэтэ дойду салайааччыта.
Бэйэбит оҥорон таһаарбыт самолеттарбытынан авиахампаанньалар пааркаларын саҥардыы күүтэр.
“Кинилэр бары аныгы ирдэбиллэргэ эппиэттиэхтээхтэр: хаачыстыбаларынан, табыгастаахтарынан, куттала суохтарынан. Ыарахан садаача. Тас дойдулартан олус элбэх авиация тырааныспарын атыыласпыппыт, бэйэбит оҥорон таһаарыыбытын сайыннарбатахпыт”, - диэн эбэн эттэ.
Маны тэҥэ эрэгийиэннэргэ суол ситимин сайыннарыы салҕанар.
“Федеральнай трассалары бэрээдэктээтибит, маны тэҥэ улахан агломерацияларга суолларын 85 бырыһыанын. Бу таһымы кытаанахтык тутуһуохтаахпыт. Аныгыскыга эрэгийиэн суолларын сайыннарыыга ураты болҕомто ууруллуо”, - диэн эттэ кини.
-
0
-
0
-
0
-
0
-
0
-
0
