Издательский дом Редакция Подписка
Погода в Якутске: . 3 oC

Кулун тутар 30 күнүгэр чаҕылхай күннээх күн Дьөһөгөй ыйыгар, Сылгыһыт күнүгэр анаан Түмүк нэһилиэгэр, Уһун Күөл сиригэр улуустааҕы «Сылгыһыт күрэҕэ — 2024» ыытылынна. Күрэҕи «Ньурба оройуона» Тыа хаһаайыстыбатын департамена уонна Маардааҕы «Алгыс» Норуот Айымньытын киинэ тэрийэн ыыттылар диэн «Огни Нюрбы» хаһыат суруйар.

Кулун тутар 30 күнүгэр чаҕылхай күннээх күн Дьөһөгөй ыйыгар, Сылгыһыт күнүгэр анаан Түмүк нэһилиэгэр, Уһун Күөл сиригэр улуустааҕы «Сылгыһыт күрэҕэ — 2024» ыытылынна. Күрэҕи «Ньурба оройуона» Тыа хаһаайыстыбатын департамена уонна Маардааҕы «Алгыс» Норуот Айымньытын киинэ тэрийэн ыыттылар диэн «Огни Нюрбы» хаһыат суруйар.

Сылгыһыт күнэ 2017 сылтан Саха сиригэр бэлиэтэнэр. Манна анаан сылгы күрэҕэ тэриллэн ыытыллар.

Быйылгы күрэххэ уопсайа 8 хамаанда: Түмүк, Бордоҥ, Октябрьскай, Чаппанда, Сүлэ, Хаҥалас нэһилиэктэртэн күөн көрүстүлэр. Улуус баһылыгын солбуйааччыта Василий Семенов кыттыыны ылла, эҕэрдэ тыл эттэ, наҕараадалары туттарда. Тыа хаһаайыстыбатын департаменын салайааччыта Леонид Ушканов, Түмүк нэһилиэгин баһылыга эҕэрдэ тыл эттилэр.

Үөрүүлээх тэрээһин кэнниттэн хамаанданан эстафетаҕа 800 м. дистанцияҕа сүүрдүлэр. Бу кэнниттэн тимир көлөнөн бураанын күрэх, саамай тыҥааһыннаах киирсиилээх соноҕос айааһааһын күрэҕэ сонун буолла. Быйылгы сылгы күрэҕэ сэргэхтик ааспытын туһунан күрэх кылаабынай судьуйата Николай Архипов этэр: "Сылгы күрэҕэ 2019 сыллаахтан ыытыллар.Бастакы икки сыл субуруччу Ньурбачаан нэһилиэгэр буолбута. Үһүс күрэхтэһии Октябрьскай, ол кэннэ Чаппандаҕа, быйыл Түмүк нэһилиэгэр ыытыллар. Сылтан сыл кыттааччы ахсаана элбиир, сылгы күрэҕэ дьон болҕомтотун тарта. Быйылгы күрэххэ соноҕос айааһааһынын күрэҕин эбии киллэрдибит. Түмүк нэһилиэгэр күрэхтэһии интэриэһинэйдик, дьон санаата өрө көтөҕүллүүлээхтик ааста, олохтоохтор тэрээһини үчүгэйдик тэрийбиттэр. Кэлэр күрэхтэһиилэргэ кыттааччы элбиэ диэн сабаҕалыыбыт", — диэн санаатын үллэһиннэ.

Эстафета күрэҕэр 8 хамаандаттан: I миэстэ — Октябрьскай, II миэстэ — Чаппанда, III миэстэ -Сүлэ. 800 м. дистанцияҕа сүүрүүгэ I миэстэ — Александров Максим (Маалыкай), II миэстэ — Степанов Аркадий Сүлэ, III миэстэ -Харбанов Алексей (Марха) таҕыста. Буранынан күрэххэ 6 күрэхтэһээччи кыттыбытыттан, Маалыкайтан Хахыров Степан (Маалыкай) — 1-кы. Афанасьев Егор — 2 (Түмүк), Николаев Павел (Ньурбачаан) -3-с миэстэҕэ таҕыстылар.Бастакы миэстэ ылбыт Маалыкай хамаандата олохтоох дьаһалта бирииһин генераторы тутта. Иккис миэстэни ылбыт Түмүк нэһилиэгэ Түмүк нэһилиэгин эр дьонун тумсуутун бирииһэ 200 л. уматык, үһүс миэстэлээх Ньурбачаан нэһилиэгэр  бураҥҥа үөрэниигэ сэртипикээти Маардааҕы техникум, анал бирииһи күлүүс нобуорун Ли Анатолийга Түмүк олохтоох дьаһалтата туруорда.

Соноҕос айааһааһынын күрэҕэр Октябрьскай нэһилиэк (Тимофеев Эдуард, Чупров Сергей, Тимофеев Альберт) бастакы миэстэни ылыан ылла.

Түмүккэ сылгы күрэҕин муҥутуур кыайыылааҕынан Октябрьскай нэһилиэк буолла, көһөрүллэ сылдьар кубогынан наҕараадаланна, Үөһээ Дьааҥыга ыытыллар күрэххэ кытта барар буолла.

Антонина Семенова

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением