Издательский дом Редакция Подписка
Погода в Якутске: . 3 oC

Бүгүн, муус устар 1 күнүгэр Дьокууска й куоракка Саха судаарыстыбаннай университетын ректора, Ил Түмэн иккис ыҥырыылаах мунньаҕын Өрөспүүбүлүкэ Балаататын бэрэссэдээтэлэ, СӨ Наукаларын академиятын салайааччыта, уһуйааччы, учуонай, судаарыстыбаннай диэйэтэл Василий Васильевич Филиппов төрөөбүт күнэ. Биһиги кэккэбитигэр баара буоллар, 73 сааһын туолуо этэ. 

Бүгүн, муус устар 1 күнүгэр Дьокууска й куоракка Саха судаарыстыбаннай университетын ректора, Ил Түмэн иккис ыҥырыылаах мунньаҕын Өрөспүүбүлүкэ Балаататын бэрэссэдээтэлэ, СӨ Наукаларын академиятын салайааччыта, уһуйааччы, учуонай, судаарыстыбаннай диэйэтэл Василий Васильевич Филиппов төрөөбүт күнэ. Биһиги кэккэбитигэр баара буоллар, 73 сааһын туолуо этэ. 

Бу күн Ил Түмэн дьокутааттара, билим эйгэтин бэрэстэбиитэллэрэ, ХИФУ салалтата, Василий Васильевич аймахтара, уһуйбут ыччата кини олорбут дьиэтигэр ыйаммыт мемориальнай дуоскаҕа муһуннулар, сибэкки дьөрбөтүн уурдулар, ахтыы тылларын эттилэр.

Ил Түмэн бэрэссэдээтэлэ Алексей Еремеев бу күн Василий Васильевич биһиги кэккэбитигэр баара буоллар, 73 сааһын туолуохтааҕын эттэ. Кини 1951 сыл муус устар 1 күнүгэр Горнай улууһун Мытаах нэһилиэгэр күн сирин көрбүтүн кэпсээтэ.

2 2

“Бу кыракый нэһилиэктэн Сахабыт Сирин киэҥ туттар дьоно төрүттээхтэр: норуот суруйааччылара, худуоһунньуктар, бэлитиичэскэй диэйэтэллэр.

1990-с  сылларга маҥнайгы бэрэсидьиэммит Михаил Николаев Саха судаарыстыбаннай университетыгар Максим Кирович Аммосов аатын иҥэрбитэ. Бу кэмҥэ, үһүс кууруска үөрэнэр сылбар, Василий Филиппов ректорынан анаммыта. Кини университет биир саамай эдэр ректора буолбута. Тэрийэр дьоҕурдааҕа тутатына көстүбүтэ, олус эрчимнээҕэ. Эдэр дьону, ыччаты кытары уопсай тылы булара. Университет иһинэн үлэлиир уопсастыбаннай тэрилтэлэр үөскүүллэригэр көмө-тирэх буолбута, сүбэ-ама биэрэрэ. Бу курдук кини университет билимин эрэ салайааччыта буолбакка, уопсастыбанньыктар салайааччыбыт этэ”,  - диэн аҕынна.

Ил Түмэн дьокутаата, ХИФУ ректора Анатолий Николаев ахтыбытынан, Василий Филиппов Саха Судаарыстыбаннай университета Хотугулуу-Илиҥҥи федеральнай университет быһыытынан туруутугар кылаата сүҥкэн улахан. Сэбиэскэй Сойуус эстэн, ыһыллыы-тоҕуллуу кэмигэр суһал быһаарыныылары ылыныы ирдэнэрэ. Маныаха университет Сахабыт Сирин, Арассыыйа сайдырагыр үөрэхтээх дьону уһуйан таһаарарыгар болҕомтотун күүһүрдүбүтэ диэн эттэ.

“Мин кини сылаас, кытаанах тутуулаах илиититтэн кыһыл дипломмун туппутум . Ол кэмҥэ тус бэйэм университет салайааччыта буолуом диэн билбэт буоллаҕым. Кини олус элбэҕи оҥороро, ситиһэрэ. Элбэх саҥа салаа, факультет арыллыбыта, тутуу ыытыллыбыта, норуоттар икки ардыларыныыҕы сыһыан олохтоммута”,  - диэн аҕынна.

Василий Филиппов Өрөспүүбүлүкэ социальнай-экэнэмиичэскэй сайдыытыгар, Саха Сиригэр үрдүк үөрэхтээһин, билим сайдыытыгар кылаатын ахтан туран, сибэкки дьөрбөтүн ууруу ыытылынна.

3 14 1

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением