Ол курдук, Промышленнай уокуруктан Николай уонна Коля Ефимовтар, Киин уокуруктан Владислав уонна Бувайсар Беляевтар, Губинскайтан Вячеслав Ноговицын уонна Леонид Слепцов, Автодорожнайтан Григорий уонна Николай Гермогеновтар, Пригороднайтан Василий уонна Арчылан Анисимовтар, Гагаринскайтан Андрей уонна Алексанр Макеевтар, Сайсарыттан Айсен уонна Прокопий Сидоровтар, Киин уокуруктан иккис хамаанда Александр уонна Алтан Лебедевтар, Хатастан Василий уонна Айсар Тихоновтар илин-кэлин түһүстүлэр.
Күрэхтэһиигэ аҕалар уолаттарын кытта эр дьон сатабылын көрдөрдүлэр. Бэйэни билиһиннэрдилэр, бэрэбинэни сулуйдулар, эрбээтилэр уонна хайыттылар, ойбон аллардылар, остуолбаҕа ытыннылар, уоту оттон чэй оргуттулар, түмүгэр булчут биатлонуугар кииристилэр. Хас биирдии түһүмэх ахсын кыайыылаахтары мэтээллэринэн уонна грамоталарынан наҕараадалаатылар.
Мустубут ыалдьыттары уонна кыттааччылары итии чэйинэн күндүлээтилэр, сылаас балааккаҕа ириэрдилэр. Маныаха көрөөччүлэр махталларын тэрийээччилэргэ тиэрдэллэр.
Дьокуусга ыытыллыбыт "Аҕа күрэҕэ-2025" күрэх кыайыылаах икки хамаандата кулун тутар 29-30 күннэригэр өрөспүүбүлүкэтээҕи күрэххэ кыттыахтара.
Тэрээһини дьаһалта уопсастыбаннай сибээскэ уонна ыччат бэлиитикэтигэр, физическэй култуураҕа уонна успуорка управлениелара Дьокуускай куорат аҕаларын сүбэтин уонна "Северное сияние" ХЭТ кытта бииргэ тэрийдилэр.
Күрэхтэһии туһунан сиһилии "Ил Тумэн" бы сигэнэн ааҕан билсиҥ: https://sakhaparliament.ru/obshchestvo/25572-basty-tan-basty-nar-bilinniler
Оттон билигин быһа тардан хаартысканан репортаһы билиһиннэрэбит.
Ааптар хаартыскаҕа түһэриилэрэ.
-
1
-
0
-
0
-
0
-
0
-
0
