Ол иһигэр инвестиционнай бырагырааммаларынан, “Мин Сахам Сирэ 21-с үйэҕэ” Өрөспүүбүлүкэтээҕи үтүө дьыала хамсааһынынан уонна бырайыактыыр-чинчийэр үлэлэринэн ыытыллар тэрээһиннэри ырыттылар.
Сүрүн болҕомто Өймөкөөҥҥө Үчүгэй нэһилиэгэр 60 миэстэлээх кыра комплектаах оскуоланы тутууга боҕомто уурулунна. Оскуоланы быйыл үлэҕэ киллэриэхтээхтэр, маныаха судаарыстыбаннай бүддьүөккэ үп көрүллүбүт.
Среднеколымскай бөһүөлэгэр, Абый Кэбэргэнэтигэр уонна Өймөкөөн Өймөкөөнүгэр эдэр испэсэлиистэргэ элбэх кыбартыыралаах дьиэлэри тутуу тула кэпсэттилэр.
Маны тэҥэ бүддьүөт тэрилтэлэрин үлэһиттэрин дьиэнэн хааччыйыы боппуруоһа турарын, ону быһаарарга туох ирдэнэрин ырыттылар.
Норуот дьокутааттара билигин тутулла турар эбийиэктэр кэмигэр, маны сэргэ саҥа бырайыактар үлэҕэ киириэхтээхтэрин эттилэр. Бу барыта Халыма-Индигир уокуругун сайдыытыгар, нэһилиэнньэ олоҕо тупсарыгар ураты суолталааҕын ыйдылар диэн тутуу министиэристибэтин телеграм-ханаала суруйар.
-
1
-
0
-
0
-
0
-
0
-
0