Күн бастакы аҥарыгар кыттааччылар сыанаҕа, дьон ортотугар хайдах туттан-хаптан, бэйэлэрин аҕыйах бириэмэ иһигэр чаҕылхайдык билиһиннэрэлллэрин туһугар продюсер, бренд менеджер, режиссёр Аполлинария Дегтярёва Ораторскай искусствоҕа маастар кылааһы ыытта. Уопуттаах спикер араас кистэлэҥнэрин арыйда, кыргыттары эрээри сайыннарар, дьон иннигэр бэйэҕэ толору эрэллээх буолалларыгар тургутар оонньуулары оонньотто. Ол кэннэ Өлүөнэ өрүһү көрө олорон астыктык аһаатылар, тахсан сибиэһэй салгыҥҥа хаамтылар, кэрэ түгэни хаартыскаҕа түһэн үйэтиттилэр.
Салгыы «Аар Кудай» бырайыак салайааччыта, «МRS UNITY WORLD» Аан Дойдутааҕы кэрэ көстүү күрэҕин президенэ, наставник Зарьяна Юмшанова «ENERGY ACCES FACELIFT» диэн Норуоттар икки ардыларынааҕы «кэрэ эйгэ уонна уйгулаах олох» кууруһун тэрийдэ. Кыргыттар илдьэ кэлбит спортивнай көбүөрдэригэр сытан, иккилии киһинэн арахсан бэйэ бэйэлэригэр сирэйдэригэр баар туочукаларга массаж оҥордулар. Бу практиканы кэрэ аҥаар оҥорон бэйэтин этин-хаанын истэргэ, алтыһарга, тууйуллубут санааларын босхолууругар дьикти күүстээх эбит. Ол курдук практика кэмигэр сорох кыыс утуйан, сорохтор тууйуллубут санаалара тыыннанан, уохтанан, киһилии саҥаран киирэн барда,ураты чараас эйгэ олохтонно, өбүгэ ситимэ күүстээҕин өссө төгүл дакаастаата. Ол курдук курс түмүктэниитигэр кыргыттар сынньанан турдулар, тууйуллубут санааттан босхолонон астыннылар, норуоттар икки ардыларынааҕы кууруһу ааспыттарынантуһунан анал туоһу суругу үөрүүлээх быһыыга-майгыга ыллылар! Кинилэри эҕэрдэлии Сахабыт эстрадатын чаҕылхай сулустара Сахая уонна Кирилл Матвеев кэлэн ылбаҕай ырыаларын бэлэхтээтилэр.
Санатан этэр буоллахха «Аар Кудай» кэрэ көстүү уонна сиэрдээх майгы норуоттар икки ардыларынааҕы күрэҕин Гранд финала кулун тутар 16 күнүгэр Суорун Омоллоон аатынан опера уонна балет тыйаатарыгар ыытыллыа. Кыргыттар бу кэм иһигэр алмаас кырыытыныы чочуллан, сайдан, киэҥ эйгэҕэ тахсыахтара!
Уйгулана Портнягина
Дмитрий Ляшеев хаартыскаҕа түһэриилэрэ
-
1
-
4
-
0
-
0
-
0
-
0
