Василий Соколов кылгас олоҕор Дьөккөн нэһилиэгин, Бүлүү улууһун олохтоохторугар умнуллубат кэрэ ырыалары айан хаалларбыта. Ырыа күрэҕэр кини айбыт уонна бэйэтэ ыллыы сылдьыбыт ырыалара өссө биирдэ кынаттанан үрдүк сыанаҕа ылланнылар. Араас сылларга алтыспыт, бииргэ үөрэммит доҕотторо, үлэлээбит үөлээннээхтэрэ Василий Дмитриевиһы үтүө тылларынан истиҥник-иһирэхтик ахтан-санаан аастылар. Тэрээһиҥҥэ күүс-көмө буоллулар.
Жюрига Саха Өрөспүүбүлүкэтин култууратын үтүөлээх үлэһитэ, хормейстер Ольга Корякина, Бүлүүтээҕи муусука оскуолатын учуутала Лазарь Гуляев, Саха Өрөспүүбүлүкэтин култууратын туйгуна Айаал Дмитриев үлэлээтилэр.
Түмүк маннык таҕыста:
III cтепеннээх Диплом Валентина Жироховаҕа (Дьөккөн), II степеннээх Диплом Гаврил Ивановка (Чинэкэ), I степеннээх Диплом Татьяна Григорьеваҕа (Дьөккөн) туттарылынна. III степеннээх Лауреат аатынан Токуйаана Сивцева (Арыылаах), II степеннээх Лауреат аатынан Николай Данилов (Дьөккөн), I степеннээх Лауреат аатынан Ксения Дмитриева (Дьөккөн) бэлиэтэннилэр. Гран-При хаһаайынынан Афанасий Быканов (Кыргыдай) буолла!
-
0
-
0
-
0
-
0
-
0
-
0
