Биһиги быйылгы лауреттары кытары үөрүүлэрин тэҥҥэ үллэстэ таарыйа кыратык билистибит.
Василий Дьячковскай “Манчаары Баһылай аатынан Успуорт национальнай көрүҥнэрин өрөспүүбүлүкэтээҕи киинин” тириэньэр-преподавателэ:
– Мин 1981 с. педучилищены бүтэрбитим, ол кэмтэн илиибин араарбакка тириэньэрдиибин. Бу кэм устата гиирэ успуордугар икки аан дойду, 20 Арассыыйа кылаастаах, 20-тэн тахса Саха Сирин маастардарын иитэн таһаардым. Бу ис дууһабыттан баҕаран туран талбыт идэм. Эдэр эдэхпиттэн гиирэнэн дьарыктанабын. Сахалартан бастакы Арассыыйаҕа призер буолбутум. Өр сыл дьарыктаммытым өйбөр-санаабар, эппэр-сииммэр хааллаҕа дии. Ол билиибин, сатабылбын ыччакка тиэрдэ сатыыбын.
“Үлэ киһитэ” бириэмийэ олохтоммута олус үчүгэй. Манна үйэлэрин тухары үлэлээн, дьон махталын, биһирэбилин ылбыт, идэлэрин өрө туппут дьон кэлэн чиэстэнэллэр дии саныыбын.
-
0
-
0
-
0
-
0
-
0
-
0
