Хомсомуол болуоссатыгар Сабантуй сүрүн кэнсиэрдиир былаһаакката тэрилиннэ. Үөрүүлээх быһыыга-майгыга арыллыы 12 чаастан ньиргийдэ, үс тылынан: нууччалыы, сахалыы, татаардыы саҥарда.
Төһө даҕаны бастаан утаа ардахтаах, тымныы тыаллаах курдук буоллар, кэлин күммүт тыган, дьиҥнээх бырааһынньыктыы настарыанньаны үөскэттэ.
Саха Сирин уонна Татарстан бастыҥ үҥкүү ансаамбылларын 500 артыыһа улуу норуот култууратын, бииргэ дьүөрэлиир ситимнэрин туохха да тэҥнэммэттии чаҕылхайдык арыйдылар. Сири хорутан, ыһыы ыытан, баай-өлгөм үүнүүнү ылыы үөрүүтүн татаардар артыыстара бэрт итэҕэтиилээхтик арыйдылар. Кыайыы 80 сылын бэлиэтиирбит быһыытынан, сэрии ыар-сылларыгар бу ыарахан үлэлэргэ дьахтар аймах күүскэ үлэлээбитин үҥкүүнэн арыйдылар.
Сахабыт норуотун үтүө үгэһинэн ыалдьыттары алгыһынан, кымыс үрдүн охторуунан көрүстүлэр. Кырдьык даҕаны, алгыс тылларын кэннэ, халлааммыт көнөн, ыалдьыттары уруйдаабыттыы күммүт тыкта.
Тэрээһини хаартысканан кэпсиибит.
Ааптар хаартыскаҕа түһэриилэрэ
-
0
-
0
-
0
-
0
-
0
-
0
