«Аҥара хаалла, сарсын-өйүүн бүтэр, — диир Александр Иванович. — 10 монолитчик үлэлии сылдьар. Бүгүн Дьокуускайтан өссө 10 киһи кэлиэхтээх, үһүс этээс эркинин тутан таһаарыахтара. Матырыйаалбыт эҥин барыта баар. Быйыл дьиэ контурун бүтэрэбит, түннүктэри туруоруохтаахпыт уонна фасадпытын, сарайын бүтэриэхпит. Благоустройствотын саҕалаан эрэбит. 150 кубометрдаах 2 баһаарынай резервуар түһүөхтээх. Билигин эбийиэк бэлэм буолуута – 36%. Фасадпытын бүтэрдэхпитинэ эбийиэк бэлэм буолуута үрдүөҕэ. Эмтиир куорпуһу 2026 с. үлэҕэ киллэриэхпит».
Бүгүн, балаҕан ыйын 19 күнүгэр, СӨ Ил Дархана Айсен Николаев бу эбийиэккэ сылдьан, тутуу үлэтин хаамыытын билистэ. Айсен Сергеевич эбийиэги тутууга графиктан хаалыыны туоратыы былаанын көрөн бигэргэттэ. Ил Дархан СӨ Бырабыыталыстыбатыгар уонна улуус дьаһалтатыгар тутуу үлэтин кытаанах хонтуруолга ылалларыгар уонна бэдэрээтчити кытта ыкса үлэлэһэн эбийиэк үлэҕэ киирэрин ситиһэллэригэр сорудахтаата.
Геннадий АНТОНОВ
-
0
-
0
-
0
-
0
-
0
-
0
