Тэрээһиҥҥэ Дьокуускай куораттан Дархан этээччи Валентин Хорунов – Дьэргэлгэн, үтүөлээх этээччи Аскалон Егоров – Өркөн ДЬОЛ, “Ытык Оһуохай” түмсүүттэн Хаҥалас улууһугар куратор, ытыктабыллаах киһи Николай Трофимов, Покровскай куорат баһылыга Виктор Константинов, улуус сүбэтин дьокутаата Степан Карпов кыттыыны ыллылар.
Алгысчыт Андрей Скрябин сиэр-туом толордо. «Төгүрүк остуол» Андрей Артамонов салайыытынан бэрт тэтимнээхтик барда. Сүрүн кэпсэтии олунньу 7-8 күннэригэр ыытыллыахтаах өрөспүүбүлүкэтээҕи эр дьон «Бөртө оһуохайын» тула буолла. Итини сэргэ, кыттааччылар Дархан этээччи Түмэппий Давыдов – Күндүмэн аатын үйэтитиигэ, улууспутугар оһуохай сайдыытын торумнааһыҥҥа, эдэр ыччаты иитиигэ төрүт үгэстэри киллэриигэ дьоһуннаах соруктары туруоруннулар.
Түмүккэ, оһуохай таһаарааччы тылыгар-өһүгэр, хаамыытыгар, хамсаныытыгар уонна кынат дьонугар туһааннаах соргулаах сүбэлэри иһиттилэр.
Сонун төрдө: "Хаҥалас",Уйбаан УЙГУУРАП
Хаартыска: Андрей АРТАМОНОВ – МАЛДЬАҔАР БӨРТӨ тус архыыбыттан
-
0
-
0
-
0
-
0
-
0
-
0
