Ол курдук, төбө харчыта быйыл суох буолбутун тула кэпсэттилэр. Т/х департаменын салайааччыта Леонид Ушканов эһиил тыа хаһаайыстыбатын боломуочуйатын сокуонугар киирээри турар уларыйыылар тустарынан билиһиннэрдэ. Бородууксуйа суоҕун кэриэтэ, маҕаһыыннарга ынах арыытын сыаната киилэтэ 1400 солк. тиийдэ.
Кэлэр сылтан судаарыстыба өттүттэн улахан болҕомто үүккэ ууруллаары турар. Көмө тэриллиилээх хаһаайыстыбаларга, ИП-га көрүллүөҕэ. 49 диэри ыанар ынахтаахтарга төбөтүгэр 85 тыһ.солк., 50 үөһэ сүөһүлээх хаһаайыстыбаҕа — 123 тыһ.солк. көрүллэр механизмын үөрэтэ сылдьаллар. Манна туспа усулуобуйалаах буолуо. Биир ыанар ынахтан улахан хаһаайыстыбалар сылга 2500 туонна, кыра хаһаайыстыбалар 1700-1800 т үүт туттарыахтаахтар. Ааҕан көрүү түмүгэр биһиги оччо үүтү ыабаппыт, ортотунан 1200 туонна иһинэн сылдьабыт. Онон ортотунан саатар 1200-1500 т түһэрэллэригэр үлэлэһэ сылдьабыт диэн Леонид Владимирович иһитиннэрдэ.
Бу сокуон олоххо киирдэҕинэ харчы заготовительга буолбакка, быһа үүт туттарааччыга түһэр буолуохтаах.
Маны таһынан олохтоох спортивнай саала, балаҕан дьиэтин үлэлэрин туһунан ыйытыылар киирэн хоруйданнылар.
Отчуокка 79, тус көрсүһүүгэ — 9 киһи сырытта. Хорулалар ааспыт сыллаах оройуон ыыппыт үлэтин биһирииллэрин биллэрдилэр.
Сонун төрдө хаартыска: "Огни Ньурбы", Лена Петрова
-
0
-
0
-
0
-
0
-
0
-
0
