Көҕүлээһин ааптардарынан баартыйа лиидэрэ, Дуума фракциятын баһылыга Сергей Миронов уонна гражданскай уопсастыбаны сайыннарыы, уопсастыбаннай уонна итэҕэл түмсүүлэрин боппуруостарыгар сис кэмитиэт бэрэссэдээтэлэ Яна Лантратова буолаллар диэн “РИА Новости” суруйар.
“РИА Новости” Сергей Миронов иһитиннэрбитинэн, 2025 сыл балаҕан ыйын 1 күнүнээҕи туругунан судаарыстыбаннай академическай истипиэндьийэ алын кээмэйэ 2 тыһ. 224 солкуобайга тэҥнэһэр, оттон социальнай – 3 тыһ. 340 солкуобайга.
“Федеральнай сокуоҥҥа истипиэндьийэ -- харчынан төлөбүр, устудьуоннар олохторун таһымын өйөөһүҥҥэ ананар диэн суруйар ирдэнэр. Кээмэйэ олоруу алын кээмэйиттэн намтыа суохтаах, оччотугар үрдүк үөрэх кыһатыгар үөрэнэр устудьуоннарга кээмэйэ билиҥҥи көрдөрүүттэн 10 төгүл үрдүө, сорох эрэгийиэннэргэ ону куоһарыан да сөп”, - диэн эттэ.
Баартыйа лиидэрэ бэлиэтээбитинэн, маннык быһаарыы көмөтүнэн эдэр дьон үөрэх таһынан үлэ көрдөөһүннэрин тохтотуо, үөрэххэ аныыр бириэмэлэрин элбэтиэ, ол түмүгэр Арассыыйа экэниэмикэтигэр кылааттарын угарга бэлэмнэнэр каадырдар таһымнара үрдүө.
Хаартыска: РИА Новости / Илья Питалев
-
0
-
0
-
0
-
0
-
0
-
0
