Бу туһунан сиһилии улуустааҕы бэтэрээннэр уопсастыбаннай хамсааһыннарын бэрэссэдээтэлэ Маргарита Попова маннык сырдатта: "Бэҕэһээ, Таатта кыраныыссатыгар, саха норуотун чулуу уола Платон Алексеевич Ойуунускай 1926 с. тэрийбит бастакы Саха национальнай байыаннай оскуолатын 100 сылын бэлиэтиир знамятын куопуйатын көрсөр өйдөбүнньүк тэрээһиҥҥэ кытынныбыт. Знамя Мэҥэ Хаҥалаһынан, Уус Алданынан, Чурапчынан айаннаан, улууспут бары нэһилиэктэринэн, онтон салгыы өрөспүүбүлүкэ бары улуустарынан, урукку кытаанах дьылы-күнү кэпсии, ыччаты дойдуга бэриниилээх буолууга холобур буола, үөрэтэ, айанныаҕа. Долгутуулаах көрсүһүүнү Тыараһа оскуолатын учууталлара, үөрэнээччилэрэ олус сэргэхтик ыыттылар. Бу тэрээһини ситимнии, бүгүн, Президиум чилиэннэрэ, дойду сайдыытын түстүүр сүрүн мунньаҕын быыбарын туһунан, өрөспүүбүлүкэтээҕи ветераннар сэбиэттэрин мунньаҕар быһа холбонон, кыттыыны ылла".
Бу курдук өрүү холобур буолар көлүөнэ, ыччаты иитиигэ мэлдьи бэлэм.
Вера Канаева
Хаартыска Вера Канаева түһэриитэ уонна Тыараһа оскуолатыттан ылылыннылар.
-
2
-
0
-
0
-
0
-
0
-
1
