Быһаарбыттарынан, кэргэнниилэр Тумул нэһилиэгин сиригэр-уотугар икки гектар сири "Уһук Илиҥҥи гектар" бырагырааманан буор-босхо ылбыттар. Сир кадастровай сыаната 1,2 мөл. солкуобайга тэҥнэспит. Кэргэнниилэр олорор дьиэ тутта сылдьабыт диэн албын докумуоннары тиксэрбиттэр, онно олоҕуран сири бас билиигэ көһөрбүттэр.
Бэрэбиэркэ дьиэ тутуута барбатын быһаарбыт, сири бас билиигэ ылан баран 23 уһаайбаҕа аҥаардаабыттара, ол уһаайбалартан 10 учаастак 160-тан 400 тыһ. солкуобайга диэри суумаҕа үһүс сирэйдэргэ атыыламмыта биллибит.
Борокуратуура бэрэбиэркэтин матырыйаалларынан РФ холуобунай кодексатын 159 ыст. 4 ч. (ураты улахан кээмэйдээх түөкүннээһин) холуобунай дьыала көбүтүллүбүт.
Маны сэргэ, борокуратуура кэргэнниилэр оҥорбут сир учаастактарыгар бас билии быраабын тохтоторго уонна атыы-атыылаһыы дуогабардарын дьиҥэ суоҕунан ааҕарга суукка ирдэбил ыытта.
-
0
-
0
-
0
-
0
-
0
-
0
