Бу сокуон олоххо киириэҕиттэн сир учаастагын ыларга Приморья кыраайыгар 84 399, Сахалин уобалаһыгар 37 601, Саха Өрөспүүбүлүкэтигэр 31 914 сайаапка киирбит. Арассыыйа Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутневка ыытыллыбыт тохсунньутааҕы сүбэ мунньахха ааспыт сылга сир учаастагар наадыйыы 8 % улаапппыта бэлиэтэммит.
Ол иһигэр Саха Өрөспүүбүлүкэтигэр 2023 сылга 2 486 киһи сайаапка биэрбит, 2022 сыллаах көрдөрүүгэ тэҥнээтэххэ, 449 сайаапканан элбэх. Бырагыраама олоххо киириэҕиттэн, 2016 сыллаахтан, өрөспүүбүлүкэҕэ 14 369 киһи сир учаастагын ылбыт.
Санатан эттэххэ, гражданнар хаһаайыстыба, үлэ-хамнас тэринэллэригэр, дьиэ-уот, даача тутталларыгар анаан биир гектар сир учаастагын босхо биэрэр «Уһук Илиҥҥи гектар туһунан» федеральнай сокуон дойду 18 эрэгийиэнин хабар. Бу туһунан Ил Дархан уонна Бырабыыталыстыба пресс-сулууспата иһитиннэрэр.
- 1
- 0
- 0
- 0
- 1
- 0