«Харах катарактатын ылларар уонна интравитреальнай укуоллары биэрэр эпэрээссийэлэр ыытыллыахтара. Биһиэхэ уустук түбэлтэлэр бааллар, ол иһигэр харахтарыгар бороҥ (буруу) катаракталаах ыарыһахтар бааллар. Биир киһини туруга стационарга кэтээн көрөрү ирдиир буолан, Дьокуускайга ыыттыбыт. Ыарыһахтар бастакы консультацияҕа кэлэллэр, онно биһиги эпэрээссийэлииргэ көстүүлэр баалларын-суоҕун сыаналыыбыт. Көстүүлэр баар буоллахтарына, биһиги кинилэргэ биллэрэбит уонна мобильнай быраастар сылдьыыларын былаана бигэргэннэҕинэ, ыарыһахтары кытта сибээстэһэбит. Кинилэргэ поликлиникаҕа ааһар наадалаах анаалыстар испииһэктэрин биэрэбит уонна биригээдэ бэлэмин туһунан иһитиннэрэбит. Уочараты таһаарбат туһугар, ыарыһахтары анал күннэргэ ыҥырабыт. Биһиэхэ икки хамсаналлара хааччахтаах ыарыһах баар, эпэрээссийэ миэстэтигэр ыытыллара олус үчүгэй», — диэн быраас-офтальмолог Валерий Бубеев кэпсээтэ.
Мобильнай биригээдэ састаабыгар быраас-офтальмохирург Сардана Сметанина, сиэстэрэ Мария Лукачевская бааллар. Эпэрээссийэҕэ ыарыһахтары сүүмэрдээһини олохтоох быраас-офтальмологтар Валерий Бубеев уонна Ольга Доенина ыыппыттар.
«Соҕуруу Саха Сирин офтальмологическай киинэ Нерюнгрига арыллан, харах ыарыылаахтарга хирургическай көмө тиксимтиэ буолла. Биһиги атын эрэгийиэннэргэ барар ыарыһахтар ахсааннара былырыыҥҥыны кытары тэҥнээтэххэ, быдан аҕыйаабытын көрөбүт. Дьон быраастарга көмөлөрүн иһин махтаналлар. ОМС-нан эпэрээссийэлэнэ балыыһаҕа киирии улуустааҕы киин балыыһа бырааһыттан направление нөҥүө оҥоһуллар», — диэн Саха Өрөспүүбүлүкэтин офтальмологическай балыыһатын кылаабынай бырааһа Иван Луцкан бэлиэтээтэ.
Сонун төрдө уонна хаартыска: Доктор Луцкан МАХ ханаалтан
-
0
-
0
-
0
-
0
-
0
-
0
