Бу туһунан брифиҥҥэ Саха Өрөспүүбүлүкэтин Экологияҕа, айылҕаны туһаныыга уонна ойуур хаһаайыстыбатыгар миниистирин солбуйааччы, өрөспүүбүлүкэ сүрүн лесничэйэ Андрей Коноплев иһитиннэрдэ.
Уоттары Мииринэй уонна Өлөөн оройуоннарыгар умуруорбуттар. Билигин үлэлии турар баһаардар Үөһээ Бүлүү, Кэбээйи, Мииринэй, Ньурба уонна Өлөөн оройуоннарыгар бэлиэтэммиттэр. Үөһээ Бүлүү, Кэбээйи, Ньурба уонна Мииринэй оройуоннарыгар уоту умуруорууга көхтөөх үлэлэр ыытыллаллар.
Күн саҕаланыыта өрөспүүбүлүкэҕэ 46 уот турбута биллэр.
Саха Сирин сиригэр-уотугар эрэгийиэн таһымнаах ыксаллаах быһыы-майгы эрэсиимэ үлэлиир. Мииринэй, Өлөөн уонна Ньурба оройуоннарыгар муниципальнай таһымнаах ыксаллаах быһыы-майгы эрэсиимэ оннунан хаалар.
-
0
-
0
-
0
-
0
-
0
-
0
