«2026 сыл атырдьах ыйын 28 күнүгэр 08:00 чааска (Москуба бириэмэтинэн 02:00) аккредитациялаах лаборатория исписэлиистэрэ куорат араас оройуоннарыгар баар үс хонтуруоллуур пууҥҥа 18 инструментальнай кээмэйдээһини оҥордулар. Лаборатория чинчийиилэрин түмүгүнэн, салгын боруобаларыгар маннык көрдөрүүлэринэн олохтоммут көҥүллэнэр муҥутуур кээмэй (ПДК) аһары барбыта бэлиэтэннэ: взвешеннай эттиктэр — 1,5 төгүл, РМ10 частицалар — 1,4 төгүл, РМ2,5 частицалар — 2 төгүл, азот диоксида — 1,2 төгүл», — диэн иһитиннэриигэ этиллэр.
Салгын туругун кэтээн көрүү суукканы эргиччи ыытыллар.
Эрэгийиэннээҕи экология министиэристибэтэ иһитиннэрбитинэн, буруо Красноярскай кыраай сиригэр-уотугар турар ойуур баһаардарыттан уонна Саха Сиригэр — Мииринэй уонна Өлөөн улуустарыгар турбут уоттан кэлбит.
Балаһыанньа суһал иһитиннэриитинэн, атырдьах ыйын 28 күнүнээҕи туругунан, Красноярскай кыраайга уустук баһаартан кутталлаах быһыы-майгы салҕанар. Кыраай сиригэр-уотугар уопсайа 519,4 тыһыынча га иэннээх сиргэ 161 ойуур баһаара бара турар. Умайыы түөлбэлэрэ Красноярскай кыраай Эвенкийскэй, Туруханскай, Таймыр, Долган-Ненец, Енисейскэй, Богучанскай уокуруктарыгар үлэлииллэр.
Красноярскай кыраайга бэс ыйын 10 күнүттэн ойуурдарга ыксаллаах быһыы-майгы (ЧС) эрэсиимэ киллэриллибитэ.
-
0
-
0
-
0
-
0
-
0
-
1
