Буруйдаахтар ФСБ уонна Киин Баан үлэһиттэрэбит диэн Бүлүү улууһуттан төрүттээх 73 саастаах дьахтары албыннаабыттар. Ол курдук, кини аатыгар кирэдьиит оҥорторо сатаабыттарын туһунан соруйан сымыйа иһитиннэриини тиэрдибиттэр уонна кини счеттарыгар баар үбү барытын устарга, кинилэр ыйбыт куттала суох счеттарыгар угарга наадатын эппиттэр.
Сымыйа информацияҕа киирэн биэрэн, мунньуммут харчытын сүтэриэн баҕарбакка, эмсэҕэлээччи харчытын устубут, онтон буруйдаахтар ыыппыт курьердарыгар куттала суох счетунан угарга туттарбыт. Эмсэҕэлээһин уопсай сууммата 2 705 000 солкуобай буолбут.
Билигин холуоннай дьыаланан силиэстийэлиир тэрээһиннэр ыытыллаллар, дьыаланы силиэстийэлээһин хаамыытын борокуратуура хонтуруолга тутар.
Сонун төрдө уонна хаартыска: СӨ Борокуратууратын саайта.
-
0
-
0
-
0
-
0
-
0
-
0
