Бүлүү улууһун Тоһу сэлиэнньэтигэр 1971 сыллаах төрүөх эр киһи доруобуйатыгар ыарахан эмсэҕэлээһини оҥорбуттар, кини түөһүгэр быһаҕынан анньыллан (проникающее ножевое ранение) балыыһаҕа киирдэ.
Дьокуускай куоракка «инвестиция» уонна массыынаны өрөмүөннээһин схемаларынан албыннаппыттар. Икки эмсэҕэлээччиттэн 1,6 мөлүйүөн солкуобайтан тахса уонна 102 тыһыынча солкуобайы уордарбыттар. Маныаха түөкүннээһин чахчыларынан холуобунай дьыалалар көбүтүлүннүлэр.
Мэҥэ Хаҥалас улууһугар итирдэр утаҕы иһэн баран массыынаны хаттаан салайбыт чахчы булулунна.
Мэҥэ Хаҥалас улууһугар «Халыма» ФАД 27-с килэмиэтиригэр 1986 сыллаах төрүөх дьахтар «Тойота Ипсум» массыынаны ыыта сылдьан салайыныыны кыайбатах, кювекка түспүт, онтон массыыната эргиллибит. Суол быһылаанын түмүгэр эчэйиини ылан балыыһаҕа киирдилэр: суоппар, 2019 уонна 2022 сыллардаахха төрөөбүт икки оҕо, ону таһынан 1976 сыллаах төрүөх дьахтар.
Итирдэр утаҕы иһэн баран массыынаны ыыппыт 10 суоппар тутулунна.
-
0
-
0
-
0
-
0
-
0
-
0
