«Үөрэх биир кэлим тиһигин сүрүн сыала – эдэр гражданины кыра сааһыттан бэйэтин, дьиэ кэргэнин уонна бүтүн уопсастыба туһугар олоххо ситиһиилээх буоларыгар, дьулуурдаах, киһи гынан иитэн таһаарыы. Биһиги сиэр-майгы өттүнэн ытык иэспит – төрөөбүт дойдуга тапталлаах уонна бэриниилээх оҕону иитэн таһаарыы», — диэн Ил Дархан Айсен Николаев Ил Түмэҥҥэ этиитигэр бэлиэтээбитэ.
Үлэ сүрүн хайысхаларартан биирдэстэринэн саҥа оскуола иннинээҕи тэрилтэлэри тутуу буолар. 2019 сылтан 2026 сылга диэри Саха Сиригэр 366 социальнай эбийиэк үлэҕэ киирдэ. Ол иһигэр, 7 174 миэстэлээх 62 уһуйаан, 16 285 миэстэлээх 70 оскуола уонна биир эбии үөрэхтээһин эбийиэгэ бааллар.
Оскуола иннинээҕи инфраструктураны сайыннарыыга ураты болҕомто Дьокуускай куоракка ууруллар. Өрөспүүбүлүкэ киинин 2030 сылга диэри маастар-былаанын чэрчитинэн 14 саҥа уһуйааны тутуу көрүллэр. Кинилэр «Сулустаах» микро-түөлбэҕэ, «Новопортовской» кыбаарталга, Киин уонна Сайсары уокуруктарыгар, 55 уонна 55а кыбаарталларга, 68 кыбаарталга, Бүлүүлүүр тракт, Хатас сэлиэнньэтигэр, Новокарьернай уулуссаҕа, ону тэҥэ Промышленнай уокурукка баар буолуохтара. Эбийиэктэр сорохторун бырайыактыыр-симиэтэ докумуоннарын бэлэмнээһин уонна бырайыактааһын түһүмэҕэр сылдьаллар.
Маастар-былааны олоххо киллэрии биир суолталаах түһүмэҕинэн 2025 сылга Дьокуускай куорат политехническай лиссиэйигэр эбии дьиэ аһыллыыта буолбута. Бу Арассыыйа Федерациятын Бэрэсидьиэнэ Владимир Путинынан бигэргэтиллибит Дьокуускай куорат маастар-былаанын чэрчитинэн сири-уоту комплекснай сайыннарыынан бастакы социальнай эбийиэгинэн буолла.
Сонун төрдө: sakha.gov.ru
Хаартыска: Дьокуускай куорат "Парус" уһуйаан архыыбыттан.
-
0
-
0
-
0
-
0
-
0
-
0
