Надежда Очирова «Аартыка» оскуола-интэринээти кыһыл көмүс мэтээлинэн бүтэрбитэ, оттон билигин бэйэтэ төрөөбүт эркиннэригэр үлэлээн, саҥа көлүөнэҕэ эбээн тылын үөрэтэр, төрөөбүт тылга тапталы иҥэрэр. Быйыл «Аартыка» оскуоланы бүтэрбит Алтанэй Сидорова өрөспүүбүлүкэ устуоруйатыгар аан бастаан эбээн тылыгар эксээмэҥҥэ 100 баалы ылла.
«Учуутал хаһыата” туруорбут «Барыбытын холбуур тыл» анал бирииһин номинациятыгар Уус-Алдан улууһун Лөгөй лиссиэй-интэринээтин саха тылын уонна литэрэтиирэтин учуутала Валентина Иннокентьевна Тищенко ылла. Ону тэҥэ Сунтаартан «Чолбон» оҕо уһуйаанын иитээччитэ Туйаара Геннадьевна Васильева өрөспүүбүлүкэ аатын чиэстээхтик көрдөрдө.
Учууталлары Бүтүн Арассыыйатааҕы куонкуруска ситиһиилээхтик кыттыбыттарынан Ил Дархан Айсен Николаев эҕэрдэлээтэ.
«Биһиги учууталларбытын чаҕылхай кыттыыларынан эҕэрдэлиибин! Хас биирдии төрөөбүт тылга саамай сүрүнэ — кинини билэллэрэ, таптыыллара уонна оҕолорго тиэрдэллэрэ. Учууталлар бу көлүөнэлэр тыыннаах ситимнэрин хааллараллар уонна хас биирдии оҕо силиһин-ууһун, норуотун устуоруйатын уонна култууратын билэригэр көмөлөһөллөр», — диэн МАХ ханаалыгар Айсен Николаев бэлиэтээтэ.
«Төрөөбүт тыл уонна төрөөбүт литэрэтиирэ бастыҥ учуутала» диэн Бүтүн Арассыыйатааҕы куонкуруска дойду 87 эрэгийиэниттэн 131 педагог кытынна.
Сонун төрдө уонна хаартыска: Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
-
1
-
0
-
0
-
0
-
0
-
0
