Чуолаан: Харчыны уоран баран, атын дьон (дроппердар) баан каарталарынан уонна счеттарынан таһаарарга көмөлөһөр төлөбүр каарталарын учуоттуур биир кэлим систиэмэ үлэлээтэ.
Социальнай ситимнэргэ кэммиэрчэскэйэ суох тэрилтэлэргэ тус сирэйдэрин итэҕэтии (верификация) киллэрилиннэ. Бу аһымал пуондаларын, атын НКО-лары үтүгүннэрэн, олор ааттарыттан саһан үлэлиир түөкүттэр быһыыларын-майгыларын тохтотуоҕа.
2021 сылтан ыла Судаарыстыбаннай Дууманан дьону түөкүттэртэн харыстыырга аналлаах 19 федеральнай сокуон ылылынна. Олортон 15-һэ — 2025 сылтан саҕалаан. Аҥаарын кэриэтэ дьокутааттар көҕүлээбиттэрэ.
2026 сыл саҕаланыаҕыттан кибер түөкүннээһин ахсаана 30% намтаабыта бэлиэтэнэр (2025 сыл бу кэмин кытта тэҥнээтэххэ). Маннык тенденция сыл тухары салҕанар.
Аныгы технологиялар өрүү сайда тураллар. Ону түөкүттэр бэйэлэрин схемаларыгар туһаналлар, саҥаттан саҥаны толкуйдууллар.
Онон иннинээҕи механизмнары бүгүҥҥү күн тургутууларыгар олоҕуран, тупсаран иһэр наада. Билигин интэриниэт түөкүттэрин утары эбии миэрэлэр оҥоһулла сылдьаллар. “Дьокутааттар бу үлэҕэ эһиги этиилэргитигэр олоҕуран кытталлар. Дьону харыстааһын боппуруоһа — Судаарыстыбаннай Думаҕа бастакы күөҥҥэ турар боппуруоһа”, - диэн Судаарыстыбаннай Дуума бэрэссэдээтэлэ Вячеслав Володин МАХ ханаалыгар суруйар.
Кимиэхэ да пароллары уонна куодтары этимэҥ. Билбэт сигэлэргитигэр итэҕэйимэҥ диэн сүбэлиир.
-
0
-
0
-
0
-
0
-
0
-
0
