“Ис дьыала министиэристибэтин дааннайдарынан, 2026 сыл маҥнайгы кыбаарталын түмүгүнэн түөкүннэээһин 18,3 % аччаабыт, оттон ыраахтан албыннааһын —22,7 %, — бу туһунан Вячеслав Володин МАХ ханаалыгар иһитиннэрэр диэн Госдуума саайта суруйар. — Онлайн уоруу ахсаана 14,1 % намтаабыт, компьютерга харайыллар информацияны туһанан буруйу оҥоруу эйгэтигэр—45,3 %, IT-технологиялары туһанан албыннааһын —29,5 %».
“Үп өттүгэр түөкүннээһин боппуруостарыгар Киин бааҥҥа дьон ыйытааһыннара, ол иһигэр төлөпүөнүнэн түөкүннээһиҥҥэ 40 % аччаабыт”, — диэн эбэн эттэ.
“Бу тиһиктээх үлэ түмүгэ. 2025 сылтан Судаарыстыбаннай Дуума кибертүөкүннээһин утары уопсайа 11 федеральнай сокуону ылынна”, -- диэн тоһоҕолоото.
Маны сэргэ, саҥа тиһиктээх миэрэлэри ылыныахтара. Ол иһигэр тас дойдулартан киирэр звоноктары маркировкалааһын. Оччотугар киһи киниэхэ хантан эрийэллэрин тутатына көрүө, билиэ. Оҕолорго көмүскэллээх сим-каарталар баар буолуохтара, Госуслуга порталыгар аккаунт хаттаан оҥоруутун бигэ эрэллээх эрэ ньымаларынан бигэргэтиэхтэрэ.
“Ыам ыйыгар саҥа быһаарыныылары ылынар былааннаахпыт. Саҥа нуормалар биһиги гражданнарбытын түөкүттэртэн көмүскүөхтэрэ”, - диэтэ Вячеслав Володин.
Сонун төрдө уонна хаартыска: Госдуума саайта
-
0
-
0
-
0
-
0
-
0
-
0
