- Оҕолорго Саҥа дьыллааҕы тэрээһиннэр бары ыыһыыллыахтара. Ордук болҕомтону байыаннай сулууспалаах дьиэ кэргэттэрин оҕолоругар ууралларыгар көрдөстүм. Хас биирдии ыалга, оҕоҕо ураты болҕомтону, кыһамньыны уура сатыыбыт. "Баһылык елката" буолуоҕа, кыра олохтоохторбутугар бэлэхтэри туттарыахпыт, - диэтэ баһылык.
Ол эрээри, үгэскэ кубулуйбут "Кыһын Саха Сириттэн саҕаланар" бэстибээл быйыл атын көрүҥүнэн ыытыллыаҕа: култуурунай уонна спортивнай бырагыраама сүрүн чааһа оҕолорго ананна.
Быһа эпииргэ Айсен Николаев тэрилтэ салайааччыларын уонна бөдөҥ тэрилтэлэри улахан корпоративнай бырааһынньыктары тэрийэртэн аккаастанарга ыҥырда.
- Билигин биһиги дойдубут анал байыаннай дьайыыга кыттар. Манан сибээстээн, корпоративтары тэрийэр сыыһа дии саныыбын. Бары күүспүтүн байыастарга көмөҕө ыытыахха наада, - диэн аҕа баһылык туһаайан эттэ.
Санаттахха, Саха Сирин баһылыгын Елката 1998 сылтан ыытыллар уонна үрдүкү кылаас үөрэнээччилэригэр саамай күүтүүлээх тэрээһининэн буолар. Манна сыл ахсын өрөспүүбүлүкэ талааннаах оҕолоро мусталлар. Бу сыллар устата Елкаҕа бастыҥ 9-11 кылаас үөрэнээччилэрэ сырыттылар.
-
0
-
0
-
0
-
0
-
0
-
0
