Издательский дом Редакция Подписка
Погода в Якутске: . 4 oC

Ытыктабыллаах Саха Сирин олохтоохторо!

Саха Өрөспүүбүлүкэтин Ил Түмэнин аатыттан уонна тус бэйэм ааппыттан Аҕа дойдуну көмүскээччилэр күннэринэн истиҥник эҕэрдэлиибин!

Ытыктабыллаах Саха Сирин олохтоохторо!

Саха Өрөспүүбүлүкэтин Ил Түмэнин аатыттан уонна тус бэйэм ааппыттан Аҕа дойдуну көмүскээччилэр күннэринэн истиҥник эҕэрдэлиибин!

Аҕа дойдуну көмүскээччилэр күннэрэ – «Төрөөбүт дойдуну көмүскээччи» идэтигэр олохторун анаабыт дьон уонна килбиэннээх хорсун быһыы, күүстээх санаа, төрөөбүт дойдуга бэриниилээх буолуу бырааһынньыга. Бу бэлиэ күн хорсун-хоодуот быһыыны, көлүөнэлэр быстыспат ситимнэрин, бойобуой үгэс утумун уруйдуур күн быһыытынан олохпутугар киирдэ.

Аҕа дойдуну көмүскээччилэр саҥа көлүөнэлэрэ Анал байыаннай дьайыыга улуу өбүгэлэрин кэриэһин дьоһуннук толороллорун туоһулууллар. Инники кирбиигэ сылдьар байыастарбыт эһэлэрин, хос эһэлэрин дьоруойдуу быһыыларын хатылаан кытаанах, халбаҥнаабат санаалаахтарын, эр сүрэхтээхтэрин көрдөрөллөр. Александр Колесов, Филипп Евсеев уонна Алексей Неустроев «Арассыыйа Дьоруойа» үрдүк аакка тиксэр чиэстэннилэр. Дмитрий Егоровка Арассыыйа Дьоруойун аата өлбүтүн кэннэ иҥэрилиннэ.

Арассыыйа Федерациятын Бэрэсидьиэнэ Владимир Путин Филипп Евсеевкэ Арассыыйа Дьоруойун сулуһун буойун албан аатын куоратыгар – Курскайга туттарбыта дириҥ суолталаах. Аҕа дойду Улуу сэриитин кыргыһыытыгар - Курскай дугаҕа 80 сыл аннараа өттүгэр кини эһэтэ Николай Михайлович хорсуннук сэриилэспитэ.

Саха Өрөспүүбүлүкэтигэр байыаннай сулууспалаахтары материальнай уонна гуманитарнай өттүнэн өйүүр  тиһик оҥоһулунна. Ол курдук, Ил Дархан Айсен Николаев ыйааҕынан Анал байыаннай дьайыы ыытыллар кэмигэр дьайыы кыттыылаахтарын уонна кинилэр дьиэ кэргэттэрин өйүүр миэрэлэр быһаарыллыбыттара.

Өрөспүүбүлүкэ барылаамана байыаннай сулууспалаахтары уонна кинилэр дьиэ кэргэттэрин бары өттүнэн өйүүр. Ону сокуонунан хааччыйар туһугар VII ыҥырыылаах Ил Түмэҥҥэ байыаннай сулууспалаахтар, бойобуой дьайыылар бэтэрээннэрин дьыалаларыгар, патриоттуу иитии уонна уопсастыбаннай тэрилтэлэр боппуруостарыгар сис кэмитиэт тэриллибитэ. Саха Сирин норуотун дьокутааттарын ортолоругар – бойобуой дьайыы кыттыылаахтара, инфраструктураны чөлүгэр түһэрии, эйэлээх нэһилиэнньэҕэ медицинскэй, байыаннай сулууспалаахтарга гуманитарнай көмөлөрү хомуйуу тэрийээччилэрэ, волонтердар бааллар.

Күндү доҕоттор! Буойуттарбыт хорсун быһыыларынан истиҥник киэн туттабыт, бэтэрээннэргэ ытыктабылбытын биллэрэбит, улуу Арассыыйа уонна төрөөбүт Сахабыт Сирин албан аатын, модун кыаҕын эйэлээх үлэлэринэн бөҕөргөтөр патриоттарга махтанабыт. Кинилэргэ кытаанах доруобуйаны, ыллыктаах уонна хорсун быһаарыныылары, төрөөбүт дойдуга сулууспалыылларыгар дьаныары, ситиһиини ис сүрэхтэн баҕарыаҕыҥ!

 

Саха Өрөспүүбүлүкэтин Ил Түмэнин Бэрэссэдээтэлэ Алексей Еремеев

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением