Кинигэҕэ Бүлүү түөрт улуустарыгар сахалар хаhан, хайдах олохсуйбуттарын туһунан сиһилии суруллар. Бу суруйуу Арассыыйа судаарыстыбаннай архыыбын элбэх докумуоннарыгар олоҕурбут буолан, улахан научнай суолталаах. Салгыы ѳссѳ икки чааhа тахсыахтаах.
Ааптар, Национальнай архыып дириэктэрин солбуйааччы Наталья Степанова элбэх чинчийэр үлэтин түмүгэр таһаарбыт кинигэтин Бүлүү куорат олохтоохторугар бэрт умсугутуулаахтык кэпсээн билиһиннэрдэ.
Кинигэ биһирэмигэр кыттааччылар элбэх ыйытыгы биэрдилэр, санааларын атастастылар.
Тэрээһиҥҥэ Бүлүү улууhуе аҕа баһылыга Сергей Николаевич Винокуров кыттыыны ылла. Кини уһулуччулаах кинигэ ааптарыгар эҕэрдэ сурук туттарда, махталын биллэрдэ.
Биһирэми Национальнай архыып отделын салайааччы Венера Тихонова салайан ыытта.
Түгэнинэн туһанан, Саха Өрөспүүбүлүкэтин Национальнай архыыбын үлэһиттэригэр, чуолаан кинигэ ааптарыгар, Российскай Федерация бочуоттаах архыбыыһыгар, Саха Өрөспүүбүлүкэтин култууратын үтүөлээх үлэһитигэр, Национальнай архыып дириэктэрин солбуйааччытыгар Наталия Степановаҕа улуус олохтоохторо улахан махталларын тиэрдэллэр.
-
0
-
0
-
0
-
0
-
0
-
0
