Издательский дом Редакция Подписка
Погода в Якутске: . 21 oC

Судаарыстыбаннай Дуума бу пленарнай мунньаҕын биир мөккүөрдээх сокуонунан “единое образовательное пространство” диэн өйдөбүлү киллэрии буолар.

Судаарыстыбаннай Дуума бу пленарнай мунньаҕын биир мөккүөрдээх сокуонунан “единое образовательное пространство” диэн өйдөбүлү киллэрии буолар.

“Арассыыйа Федерациятын үөрэҕин туһунан” сокуоҥҥа уларытыы киллэрэбит – үөрэх тиһигэр биир кэлим эйгэни олохтуохтаахпыт. Ол эбэтэр бары субъектар уопсай биир федеральнай бырагырааманан үөрэнэр буолуохтара”, -- диэтэ үөрэх кэмитиэтин бэрэссэдээтэлэ Ольга Казакова дакылаатыгар.
Онуоха дьокутаат Борис Чернышев: “Ол аата сэбиэскэй үөрэх систиэмэтигэр төннүү буолар буоллаҕа дии. Ол хайдах дьылҕаламмытын бэркэ билэҕит. Ол иһин уларытарга, реформалыырга күһэллибиттэрин бэлиэр умуннугут дуо?” – диэн санаатын эттэ.
Оттон Госдума бэрэссэдээтэлэ Вячеслав Володин чиҥ билиини оҕо үчүгэй усулуобуйаҕа эрэ ыларын бэлиэтээн туран: “Эрэгийиэннэрбит бары дотацияҕа олороллор. Олор хайдах бэйэлэрэ матырыйаалынай-тиэхиньиичэскэй базаларын бөҕөргөтүөхтэрэй? Онон үөрэх тиһигин эрэгийиэн таһымыттан таһаарар уолдьаста”, -- диэтэ.
Ирина Яровая: “Үөрэх биир кэлим тиһигэ диэн биир сомоҕо култуура буолар. Атыннык эттэххэ, хас биирдии оҕону, кини сайдыытын уратытыттан, социальнай статуһуттан, сааһыттан, омугуттан, ханна олороруттан тутулуга суох, барыларыгар тэҥ хаачыстыбалаах билиини биэрэргэ кыһаллыахтаахпыт”, -- диэн санаатын үллэһиннэ.
“Үөрэх маннык биир кэлим эйгэтин түстээтэхпитинэ, учуобунньуктар да ис хоһоонноро сааһыланыа этэ. Сорох үөрэнэр кинигэлэргэ Ленинград блокадатын оборона курдук быһааран суруйбуттар, сорохторго рекламалар бааллар, ол иһигэр порнографическай хабааннаах кытта. Аҕа дойду Улуу сэриитигэр 4 эрэ страницаны аныыр диэн бу тугуй? Оннук ким хайдах туойарынан дойҕохтуур балаһыанньатын бу биир кэлим эйгэ бэрээдэктиэ этэ”, -- диэтэ бэрэссэдээтэл солбуйааччыта Петр Толстой.
Бу сокуон бастакы ааҕыытын ааста. Иккиһэ тута сарсыныгар буолар. Бигэргэтэ охсоору тиэтэйэллэр. Онуоха биһиги бэрэстэбиитэлбит Федот Тумусов наһаа ыксыылларын сөбүлээбэтин биллэрдэ. Ол туһунан Телеграмм ханаалыгар “Төрөөбүт тыл чааһын аччатыахтара дуо?” диэн төбөлөөн таһаарбыт матырыйаалыгар суруйар. Ол ис хоһоонун кылгатан билиһиннэрдэххэ маннык:
Ирина Яровая этэринэн, үөрэх бу биир кэлим эйгэтин тэрийии туһунан сокуоҥҥа 7 сыл үлэлээбиттэр. Дьокутаат Олег Смолин: “Субъектары кытта сокуону сүбэлэһэн, дьүүллэһэн, ырытан баран биирдэ ылыныаххайыҥ”, -- диэн эппитин, үөрэх кэмитиэтин бэрэссэдээтэлэ Ольга Казакова туораттан кыттыгаһа суох бэйэлэрэ быһаараллара ордугун чопчулаабыт. Дьикти, дьиибэ дии?
Ол иһин Федот Тумусов РФ үөрэххэ миниистирэ Сергей Кравцовтан ыйытта: “Үөрэх биир кэлим эйгэтин тэрийэр үчүгэй. Онно дьулуһабыт даҕаны. Ол эрээри “биир кэлим” диэҥҥэ чопчу туох өйдөбүлү уураҕыт? Барытын биир халыыпка киллэрэри дуу? Мин саныахпар, Арассыыйа сомоҕо күүһэ араас норуота түмсүүлээҕэр сытар. Өскөтүн бу сокуон ылыллар түгэнигэр, төрөөбүт тыллар көйгөтүллүөхтэрэ суоҕа дуо?” -- диэн.
Онуоха миниистир: “Сөпсөһөбүн ыйытыыгын кытта. Биһиги төрөөбүт тыллары күөмчүлээбэппит ээ. Төттөрүтүн сайдалларыгар кыаҕы үөскэтэбит. Төрөөбүт тыл учуобунньуктарын бэчээттэтэбит, бырагыраамаларын бигэргэтэбит. Аны туран, бу билигин аан бастакытын төрөөбүт тыл учууталын куонкуруһун ыыта сылдьабыт”, -- диэн хоруйдаан, ити чааһыгар долгуйбаппытыгар эрэннэрдэ.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51