Эрэгийиэн парламенын аппараатын куонкуруска хамыыһыйатын чилиэннэрэ иһитиннэрэллэринэн, кэккэ кыттааччылар айар матырыйаалларын ыйыллыбыт болдьоҕун кэннэ ыыппыттарын түмүгэр, маннык быһаарыы ылылынна.
- Уокурук тэриллиэҕиттэн, билиҥҥэ диэри, өрөгөй ырыата суох олоробут. Мантан сибээстээн, Чукотка автономиялаах уокуругун өрөгөй ырыатын оҥоруутун тэрийэр хамыыһыйата бу кыһалҕаны өйдөөн, ааптардарга эбии кыаҕы биэрэргэ быһаарынна. Маннык кыах мээнэ бэриллибэт, - диэн хамыыһыйа сэкирэтээрэ Анна Лобанова кэпсиир.
Санаттахха, куонкуруска муусука, өрөгөй ырыа тылларын ааптардара кытталлар. Онуоха, үрдүк таһымҥа оҥоһуллубут айымньылары эрэ туттараллара ирдэнэр. Бу сыл сэтинньи 15-19 күннэригэр диэри куонкурус финалистарын быһаарыахтара. Кыайыылааҕы эрэгийиэн былааһын уорганнарын официальнай ресурсаларыгар, онлайн-куоластааһын түмүгүнэн, уокурук олохтоохторо талыахтара.
Билигин өрөгөй ырыатын быһыытынан, 1998 сыллаахха биллэриллибит куонкурус түмүгүнэн, тыла-өһө суох аҥаардас мелодия туһаныллар. Ол эрээри, өрөгөй ырыаты уокурукка ирдэнэр докумуоннарыгар сөп түбэспэт буолан, официальнай уонна үөрүүлээх тэрээһиннэри арыаллаабат. Муусука олус уустук, киһи өйүгэр хатаммат, үөрүү-көтүү аргыһа суох. Маны таһынан, өрөгөй ырыатын тыла суоҕа балаһыанньаны өссө уустугурдар.
- 0
- 0
- 0
- 0
- 0
- 0