Ол туhунан СѲ Баhылыгын уонна СѲ Бырабыыталыстыбатын пресс-сулууспата иhитиннэрэр.
Кѳрсүhүү кэмигэр ураты болҕомто анал байыаннай эпэрээссийэ (СВО) байыаннай сулууспалаахтарын-кыттааччыларын ѳйүүр эрэгийиэннээҕи миэрэлэргэ, байыастары матырыйаалынай-техническэй хааччыйыыга, итиэннэ наадалаах тэрили уонна амуницияны оңорон таhаарыы боппуруостарыгар уурулунна.
Саха Сирэ уонна Москва национальнай сыаллары ситиhиигэ Россия билиниллибит эрэгийиэннэрин-лиидэрдэрин ахсааннарыгар киирэллэр. Кѳрсүhүү кэмигэр социальнай-демографическай бэлиитикэ, цифровой трансформация, үѳрэхтээhин, култуура уонна култуура нэhилиэстибэтин харыстааhын уобаластарыгар уопуту үллэстии форматтара дьүүллэhиннилэр.
Айсен Николаев Москва мэригэр эрэгийиэн кѳҕүлээhиннэрин уонна столицаҕа Москва Бырабыыталыстыбатын кѳмѳтүнэн тиhигин быспакка ыытыллар тэрээhиннэрин, ол иhигэр САССР тѳрүттэммитэ 100 сылыгар уонна Саха Сирэ Россия судаарыстыбатын састаабыгар киирбитэ 390 сылыгар аналлаах тэрээhиннэри ѳйѳѳhүн иhин махталын биллэрдэ.
Санаттахха, Саха Ѳрѳспүүбүлүкэтин Бырабыыталыстыбатын уонна Москва Бырабыыталыстыбатын икки ардыларыгар 2012 сыллаахха сэтинньи 20 күнүгэр түhэрсилилбит эргиэн-экономическай, научнай-техническэй, социальнай уонна култуурунай бииргэ үлэлээhин туhунан Сѳбүлэhии үлэлиир.
- 0
- 0
- 0
- 0
- 0
- 0