Бу туһунан Ил Дархан Айсен Николаев Ил Түмэҥҥэ туһаайан этиитин кэмигэр иһитиннэрдэ.
«Чулуу педагогтары-аҕа сүбэһиттэри муниципальнай оройуоннар уонна куораттааҕы уокуруктар олохтоохторо бэйэлэрэ талыахтара», - диэтэ Айсен Николаев. Өрөспүүбүлүкэ баай үгэстэрдээҕин, уопуттаах уонна сатабыллаах учууталлар баалларын, үүнэр көлүөнэни иитии саҥа таһымҥа тахсарын бэлиэтээтэ.
Санаттахха, 2023 сыл дойдуга Педагог уонна аҕа сүбэһит сылынан биллэриллибитэ. Педагог уонна аҕа сүбэһит сыла учууталлар, ол иһигэр аҕа сүбэһиттэр статустарын, үлэлэрин-хамнастарын үрдэтэргэ туһуланар.
2007 сылтан сыл ахсын дойду Бэрэсидьиэнэ Владимир Путин Ыйааҕынан ураты хайысхаҕа сыаллаан-соруктаан аныыра, үүнэр сылга уопсастыба болҕомтотун тардарга ананар.
-
8
-
0
-
1
-
0
-
0
-
3
