Саха Сиригэр «Дети Азии» II кыhыңңы норуоттар икки ардыларынааҕы спортивнай оонньуулар уоттарын уматтылар
Издательский дом Редакция Подписка
Погода в Якутске: . -48 oC

«Дети Азии» II кыhыңңы норуоттар икки ардыларынааҕы спортивнай оонньуулар Кемеровскай уобаласка, тута түѳрт куоракка, олунньу 23 күнүттэн кулун тутар 5 күнүгэр диэри буолуохтара. Тохсунньу 21 күнүгэр Саха Сиригэр Ѳлүѳнэ очуостарын анныгар саҕыллыбыт уоту — Оонньуулар символларын онно илдьиэхтэрэ. Ол туhунан СИА иhитиннэрэр.

«Дети Азии» II кыhыңңы норуоттар икки ардыларынааҕы спортивнай оонньуулар Кемеровскай уобаласка, тута түѳрт куоракка, олунньу 23 күнүттэн кулун тутар 5 күнүгэр диэри буолуохтара. Тохсунньу 21 күнүгэр Саха Сиригэр Ѳлүѳнэ очуостарын анныгар саҕыллыбыт уоту — Оонньуулар символларын онно илдьиэхтэрэ. Ол туhунан СИА иhитиннэрэр.

Сахалыы алгыс кэнниттэн ытык уоту анал капсулаҕа уктулар. Бастакынан капсуланы Саха Сирин Баhылыгын уонна Бырабыыталыстыбатын дьаhалтатын салайааччыта Георгий Михайлов тутта.

Церемонияҕа Кемеровскай уобалас, Арассыыйа Олимпийскай кэмитиэтин бэрэстэбиитэллэрэ, СѲ спордун миниистирэ Леонид Спиридонов, икки тѳгүллээх олимпийскай чѳмпүйүѳн, «Дети Азии» Норуоттар икки ардыларынааҕы спортивнай оонньуулар посоллара Анна Богалий кытыннылар.

384e9b95 b6b9 4042 b965 80ee2a6fc0d7 e1674282691238

Кемеровскай уобалас губернатора Сергей Цивилев аатыттан уобалас вице-премьерэ Сергей Алексеев тыл эттэ. Кини Оонньуулары үрдүк таhымңа ыытарга кыhаныахпыт диэн эрэннэрдэ уонна бу Оонньуулар үгүс спортсмеңңа улахан спорка трамплин буолалларын бэлиэтээтэ.

Мустубут дьону Арассыыйа Олимпийскай кэмитиэтин генеральнай дириэктэрин солбуйааччы Игорь Степанов эҕэрдэлээтэ. «Дети Азии» Оонньуулар дьиң олимпийскай сыаннастары дьыалатыгар пропагандалыырга уонна киэңник тарҕатарга, дойдулары уонна норуоттары холбуурга улахан суолталаахтарын ыйан туран, Олимпийскай кэмитиэт бу Оонньуулар тэрийээччилэриттэн биирдэстэрэ буоларын быhыытынан тэрийэр кэмитиэти куруук ѳйүүрүн биллэрдэ.

5eab7258 3326 4f06 ad00 f97c7603ee14 e1674282554609

Күрэхтэр символлара Кузбасска тиэрдиллиэҕэ. Онно кини бары муниципальнай тэриллиилэринэн эстафетаны ааhыаҕа.

Саха Сириттэн 62 эдэр спортсмен кыттан, уон спорт кѳрүңүттэн алтатыгар – хайа хайыhарыгар, хаңкынан сүүрүүгэ, хайыhарынан сүүрүүгэ, сноубордка, фигурнай хаңкылааhыңңа уонна хоккейга — киирсиэхтэрэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Сэргээ

Моника

Университекка экэниэмикэҕэ лиэксийэ ааҕарын таһынан, Сандал Николаевич бастакы…
28.01.23 17:54