Бу турнир биир сүрүн соругунан быйыл Тааттаҕа ыытыллыахтаах "Манчаары оонньууларын" өрөспүүбүлүкэтээҕи улахан успуорт түһүлгэтигэр улууспут хамаандатын састаабыгар бастыҥнары талыы буолла. Ол курдук, бастакы миэстэҕэ тахсан кыһыл көмүс мэтээли ылбыттар "Манчаары оонньууларыгар" сүүмэрдээһини ааһыахтара. Күрэх "Маранга" этно-культурнай кииҥҥэ күнүс 2 чааска улуус баһылыгын солбуйааччы Саргылана Васильевна Петрова эҕэрдэтинэн үөрүүлээхтик аһылынна.
Саккырыыртан 2 массыынанан күрэх кыттыылаахтара кэлэн, күрэхтэһиини киэргэттилэр. Кулууп тобус толору көрөөччүнэн туолла. Ону кытта манна көрөөччүлэр күрэхтэһии түмүктэниэр диэри ыһыы-хаһыы, ыалдьыы күүстээҕэ буолла. Турнирга бары да кыайардыы-хотордуу бэлэмнэнэн кэлэн, бэрт көхтөөхтүк кытыннылар. Дьүүллүүр сүбэҕэ судьуйанан Кустуур орто оскуолатын физкультураҕа учуутала Горохов Михаил Ильич уонна Попов Василий Андреевич, Колесов Иннокентий Егорович, улуус кииниттэн Саккырыыр орто оскуолатын учууталлара Попова Алина Павловна, Кириллин Борис Аркадьевич буоллулар.Мас тардыһыытыгар 50 киилэ ыйааһыҥҥа 2 эрэ кыттааччы кытынна. Кустуур орто оскуолатын 9 кылаас үөрэнээччилэрэ Старостин Алёша доҕорун Слепцов Святославы кыайан бу ыйааһыҥҥа кыайыылаах буолан таҕыста. Онтон60 киилэ ыйааһыҥҥа 6 эр бэртэрэ күөн көрүстүлэр. Бу ыйааһыҥҥа Кустуур орто оскуолатын 11 кылаас үөрэнээччитэ Другин Вася кыраһыабайдык кыайан, муҥутуур кыайыылаах аатын сүктэ. Иккис миэстэни Саккырыыр орто оскуолатын 9 кылаас үөрэнээччитэ Колесов Айаал эрэллээхтик ылла. Онтон үһүс миэстэни Саккырыыр орто оскуолатын үөрэнээччитэ Иванов Денис ылла. Уолаттар бары даҕаны кыайарга дьулуһан, туох баар күүстэрин-уохтарын биэрэн туран кытыннылар.65 киилэ ыйааһыҥҥа 4 эр бэртэрэ күөн көрүстүлэр. Кустуур орто оскуолатын10 кылаас үөрэнээччитэ Горохов Сеня эрэллээхтик маҥнайгы миэстэни ылары ситистэ. Иккис миэстэни Кустуур орто оскуолатын 11 кылаас үөрэнээччитэ Горохов Костя ылла. Онтон үһүс миэстэни КОО 11 үөрэнээччитэ Старостин Илья ылары ситистэ. Оҕолорго 65 киилэттэн үөһэ ыйааһыҥҥа Старостин Антон соҕотох кыайан таҕыста.
Мас тардыһыытыгар оҕолор, эдэр ыччаттар бэйэлэрин икки ардыларыгар ыытыллыбыт абсолютнай күрэх улахан интэриэһи тарта. Манна күрэххэ кыттыбыттар бары күөн көрүстүлэр, күүстэрин-уохтарын холоннулар, убайдарыттан уопут да ыллылар. Ол курдук 65 киилэ ыйааһыҥҥа эдэр ыччаппыт Сыроватскай Владимир муҥутуур кыайылаах буолла. Онтон иккиһи Горохов Уйгулаан ылла.65 киилэттэн үөһэ ыйааһыннаахтарга элбэх кыттааччы күүстэрин мээрэйдэстилэр. Манна бастакы миэстэни КОО 10 кыл. Горохов Семён, иккиһи КОО 11кыл. Горохов Костя, үсүһу Саккырыыртан 9 кыл. Старостин Антон ыллылар. 75 киилэ ыйааһыҥҥа 4 кыттааччыттан Горохов Иван кыайыыны ситистэ. Иккиһи Аммосов Илья. Манна успуорт бэтэрээнэ Баишев Алексей Антонович бэйэтин холонон көрдөрбүтүн, эдэр ыччакка үтүө холобур буолар быһыытынан сыаналыахха сөп. 85 киилэҕэ эдэр ыччат лидерэ Слепцов Нюргустан Горохов Иванныын күөн көрүстүлэр. Түмүккэ Иван Горохов түһүлгэтэ биэрэн кыайыылаах үрдүк аатын сүктэ.
Ити курдук, улууспут ыччата өбүгэбит оонньууларын сөргүтэн, тыҥааһыннаах күрэхтэһии ыытан, кыттан Кустуур олохтоохторун сэргэхситтэ. Ону кытта успуорду сэҥээрээччилэр сэргэхсийэн, дуоһуйан, астынан тарҕастылар.
Надежда Слепцова, Кустуур орто оскуолатын
дириэктэри иитэр үлэҕэ солбуйааччы
Хаартыскалар: ааптар тиксэриитинэн
-
4
-
0
-
0
-
0
-
0
-
0