Кэмпириэнсийэни Арассыыйа спорка министиэристибэтэ, Спортивнай резервэни бэлэмниир федеральнай киин, Пермскай кыраай физическай култуураҕа уонна спорка министиэристибэтэ, Чайковскай физическай култуураҕа судаарыстыбаннай института тэрийэн ыыттылар.
“Перскай кыраай ситиһиилээх федеральнай экспериментальнай былаһаакка. Манна хаһыйарынан трамплинтан ыстаныы көрүҥүн күүскэ сайыннараллар. Ону сэргэ бүтүн Арассыыйатааҕы кэмпириэнсийэни тэрийэргэ бары усулуобуйалар бааллар”, – диэн тэрийээччилэр бэлиэтииллэр.
Кыһыҥҥы спорт көрүҥнэрин “Снежинка” федеральнай киинигэр спорт сайдыытыгар 20 федеральнай былаһаакка бэрэстэбиитэллэрэ тоҕуорустулар. Кинилэри таһынан спорт билимин, мэдиссиинэтин, спортивнай резервэтин, спорду сыыппаралааһын, быраап эспиэрдэрэ ыҥырыллан кэлэн кыттыыны ыллылар.
Сис кэмитиэт бэрэссэдээтэлэ Михаил Гуляев 1 №-дээх “Физическай култуура уонна спорт эйгэтигэр экспериментальнай уонна инновационнай үлэ аныгы боппуруостара” диэн секцияҕа үлэлээтэ. Кэмпириэнсийэ үлэтин туһунан innovasport.ru саайтка киирэн көрүөххэ сөп.
- 0
- 0
- 0
- 0
- 0
- 0