Мунньаҕы Суотту нэһилиэгин баһылыга Баишев Василий Петрович иилээн-саҕалаан ыытта. Баһылыгы солбуйааччы Черкашина Надежда Гаврильевна «Олохтоох көҕүлээһини өйүүр бырагыраама» (ППМИ-2026) туһунан иһитиннэрии оҥордо, ону тэҥэ эрдэ куйаар ситимин нөҥүө ыытыллыбыт нэһилиэк сайдыытыгар туһуламмыт икки бырайыакка куоластааһын түмүгүн сырдатта.
Куоластааһыҥҥа 714 киһи кыттыбытын, онтон 79,2 % киһи нэһилиэккэ түргэн тэтимнээх аан ситими киллэриигэ туһуламмыт бырайыагы талбытын иһитиннэрдэ. Баһылык Баишев В.П. олохтоохтор талбыт бырайыактарын олоххо киллэриигэ туох үлэ барыахтааҕын сиһилии кэпсээтэ. Мунньах кыттыылаахтара туруорсар бырайыактарын тула аһаҕас кэпсэтиигэ кыттан, санаа атастаһыыта көхтөөхтүк тэрилиннэ.
Ону тэҥэ бу бырайыагы олоххо киллэриигэ нэһилиэнньэ өттүттэн үбүлээһин кээмэйин, бырайыагы олоххо киллэриигэ үлэлиир бөлөх састаабын мунньах кыттыылаахтара куоластааһынынан быһаардылар.
Бу курдук нэһилиэкпит олохтоохторо, бары биир киһи курдук, «ППМИ — 2026» чэрчитинэн өрөспүүбүлүкэ бастыҥ бырайыактарын талыыга көхтөөхтүк кыттарга быһаардылар.
Мунньах кыттыылаахтара
Хаартыскалар ааптардар тиксэриилэринэн
-
75
-
13
-
0
-
0
-
0
-
0
