Куонкурус сыала-соруга
Саха Өрөспүүбүлүкэтигэр Дойдуга бэриниилээх буолуу сылыгар уонна Арассыыйаҕа өйдөбүнньүк уонна албан аат сылыгар аналлаах акция иһинэн өрөспүүбүлүкэ суруналыыстарын Сойууһун бырабылыанньата уонна “Ил Түмэн” издательскай дьиэ уопсастыбаннай уонна эдэр корреспонденнарга “Саха сирэ умнубат”-“ЯкутияПомнит” куонкурус ыыталлар. Куонкурус сыалынан-соругунан буолар:
— Аҕа дойду Улуу сэриитигэр Саха сирин буойуттарын хорсун быһыыларын туһунан өйдөбүлү кэпсээһин уонна нэһилиэнньэҕэ тиэрдии;
— Аҕа дойду сэриитин кыттыылаахтарын, тыыл үлэһиттэрин ааттарын үйэтитии;
— Ыччакка аҕа көлүөнэ Ийэ дойдутугар хайдах курдук бэриниилээҕин кэпсээһин;
— “Саха сирэ умнубат”-“ЯкутияПомнит” өрөспүүбүлукэтээҕи акцияҕа кыттыыга, “Ил Түмэн” сахалыы, нууччалыы тылынан тахсар хаһыаттарыгар Аҕа дойду Улуу сэриитигэр норуот дьоруойдуу быһыытын сырдатыыга нэһилиэнньэни, уопсастыбаннай, эдэр корреспонденнары тардыы;
— Сырдатар-иһитиннэрэр маассабай эйгэҕэ суруйар уопсастыбаннай уонна эдэр корреспонденнар маастарыстыбаларын уонна айар дьоҕурдарын таһымын үрдэтии.
Куонкурус усулуобуйата уонна ыытыллар болдьоҕо
Матырыйааллары Адрес электронной почты защищен от спам-ботов. Для просмотра адреса в вашем браузере должен быть включен Javascript. эбэтэр Адрес электронной почты защищен от спам-ботов. Для просмотра адреса в вашем браузере должен быть включен Javascript. электроннай аадырыстарга ыытаҕыт, ону таһынан электроннай көрүҥүн “Ил Түмэн” хаһыакка аҕалан биэриэххитин сөп.
Куонкурус матырыйаалларын 2020 сыл ахсынньы ыйын 15 күнүгэр диэри тутабыт. Ааптар толору аата-суола, почтатын аадырыһа уонна телефонун нүөмэрэ суруллубут буолуохтаах.
Матырыйаалы маннык аадырыска аҕалан биэриэххитин сөп: 677000 Дьокуускай куорат, Киров аатынан уулусса, 13 №-дээх дьиэтигэр, 307 №-дээх хоско. «Ил Түмэн» издательскай дьиэ приемнайа, ыйыталаһар тел.: 8(4112) 40-22-58.
Конкурска киирбит үлэлэри көрүү бэрээдэгэ
Куонкуруска киирбит матырыйааллары анал дьүүллүүр сүбэ көрөр. Түмүк таһаарарга учуоттаныахтара:
— Матырыйаал куонкурус сыалыгар-соругугар төһө сөп түбэһиитэ;
— Матырыйаал таһыма;
— Тиэмэ төһө дириҥник арыллыбыта;
— Үлэ ахсаана (түһүмэҕэ, балаһалара).
Кыайыылаахтары быһаарыы:
Уопсастыбаннай корреспонденнарга — 3 миэстэ;
Эдэр корреспонденнарга —3 миэстэ.
Наҕараадалааһын
Кыайыылаахтар дипломунан, тэрийээччилэртэн уонна спонсордартан сыаналаах бириистэринэн наҕараадаланаллар.
Кыайыылаахтары наҕараадалааһын Дьокуускай куоракка Арассыыйа бэчээтин күнүн уонна Дойдуга бэриниилээх буолуу, Өйдөбүнньүк уонна Албан аат сылларын түмүктэрин таһаарыы чэрчитинэн ыытыллыаҕа.
Тэрийэр бөлөх
-
0
-
0
-
0
-
0
-
0
-
0
